Deuteronome 8:7 - Tshwa Bible

⁷ Hakuva Jehova Nungungulu wa wena i ku heleketa ka tiko go saseka, a tiko ga micongo, ni ga tihlowo, ni ga mativa, ni ga zibuka, lezi a mati ya kona ma humako lomu minzhelelweni ni lomu zitsungeni;

Deuteronome 8:7 ပူးပေါင်းရင်းမြစ်များ

Genesisi 49:11

A boha a mbongola yakwe sinyeni ya vina, Ni ximbongolana xakwe sinyeni ya vina yi hlawulilweko; A hlaza tinguwo takwe lomu vinyeni. Ni nkumba wakwe nkhateni wa vinya.

2 Tihosi 18:32

kala mina nzi ta mu susa nzi mu yisa ka tiko legi gi fananako ni tiko ga nwina, a tiko ga mavele ni vinya, a tikweni ga zibaba ni zivina, ga tisinya ta mafura ni wulombe, kasi ma fela ku hanya, mu ngafi. Mu nga ingisi Hezekia, hakuva yena o mu khohlisa, aku: Jehova i ta hi tlhatlhisa.

Tisimu 104:10

U lo velisa zibuka lomu minkoveni, A mati ya zona ma khulunga xikari ka zitsunga.

Tisimu 106:24

Va lo nyenya a tiko leʼgo saseka, A va kholwangi gezu gakwe.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Isaya 36:17

Kala nzi ta mu teka nzi mu yisa a tikweni legi gi fananako ni ga nwina, a tikweni ga mavele ni vinya, a tikweni ga zakuga ni zivina.

Isaya 5:1

Nzi ta yimbelela hi xiranzwa xa mina, A Xizimba xa a ranzekako wa mina, na nzi kumbuka a xivina xakwe. A xiranzwa xa mina xi wa hi ni xivina le hehla ka xitsunga xi nonileko nguvu. Mat. 21:33; Lu. 20:9

Jeremia 2:7

Nzi lo mu neha a tikweni ga pfuno. Kasi mu taga mihanzu ya gona ni kunanziha ka gona. Kanilezi loku mu enghenile ka gona, mu nyenyezisile a tiko ga mina, Ni tshomba ya mina mu yi mahile manyala.

Ezekieli 17:5

Gi tlela gi teka a mbewu ya tiko, gi ya yi byala misaveni yo nona, gi yi byala xikari ka ziphutsu kusuhi ni mati manyingi.

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Deuteronome 8:6

U ta hlayisa milayo ya Jehova Nungungulu wa wena, u famba hi tindlela takwe, ni ku mu chava.

Deuteronome 8:8

a tiko ga mavele, ni sevada, ni ga mavina, ni ga makuwu, ni ga mapomegranada; a tiko ga maoliva ni mafura ni wulombe;

Valamuli 18:10

Loku mu chikela kona, mu ta ya kuma a vanhu lava va nga chaviko nchumu, ni tiko ga hombe; hakuva Nungungulu i gi nyikele ka nwina, a tiko gi nga vumaliko nchumu wa zilo za misava.