Deuteronome 8:2 - Tshwa Bible

² Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Deuteronome 8:2 ပူးပေါင်းရင်းမြစ်များ

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

2 Kronekele 32:31

Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

2 Kronekele 33:12

Laha a nga wa hi lomu tikhuruxwini, i lo khongela mahlweni ka Jehova Nungungulu wakwe, a ti koramisa nguvu mahlweni ka Nungungulu wa vadadani Vakwe.

2 Kronekele 33:19

A mukhongelo wakwe ni ku hlamuliwa ka wona, ni kuonha kakwe, ni kuhambuka kakwe, ni wutshamu legi a akileko ka gona a matshamu ma tlakukileko, ni laha a nga yimisa kona a zifananiso za Axtarte, ni zifananiso zi vatlilweko, na a nga se ti koramisa, zi tsalilwe lomu ka matimu ya vawoni.

Nehemia 9:19

kanilezi wena hi wuxinji ga wena go eta, a ku va tsikangi lomu xiwuleni. Laha hlikanhini a mhinga ya refu a yi tsikangi ku va rangela ndleleni yabye, ge hambu a mhinga ya nzilo a ku tsika ku va woninga a ndleleni leyi va nga wa fanele ku famba ha yona.

Joba 33:17

Kasi ku tlhelisa munhu xigoheni xakwe; Ni ku mu tsimbeta a nga ti kulisi.

Tisimu 103:2

Muhefemulo wanga, khesa Jehova, U nga rivali a mitiro yakwe yontlhe ya yi nene;

Tisimu 106:7

A vadadani va hina a va khatalelangi zihlamaliso za wena le Gipite, A va alakanyangi a wuxinji ginyingi ga wena, Kanilezi va lo ku hluwuka le bimbini, gi nga Bimbi go Pswhuka.

Tisimu 136:16

Loyi a nga rangela vanhu vakwe lomu xiwuleni, Hakuva a wuxinji gakwe ga kala kupinzuka.

Tisimu 77:11

Nzi ta zwata a mitiro ya Jehova; Ina, nzi ta alakanya a zirewukiso za wena za kaleloko.

Tisimu 81:7

U lo nzi khongela na u hi zikaratweni, nzi ku ponisa, Nzi ku hlamule na nzi hi xihundleni xa kudzinza. Nzi ku ringa le matini ya Meriba. (Sela.) Ekso. 17:1; Mitse. 20:13

Eksodusi 15:25

Mosi i lo kombela ka Jehova, zonake Jehova i lo mu kombisa a sinya kasi a fela ku yi hoxa lomu matini, a mati ma lo nanziha. Anzhako ka lezo i lo va yimisela milayo ni ziyimiso; laho i lo va ringa, aku:

Eksodusi 16:35

A vanana va ka Israeli va loga manna 40 wa malembe, va kala va chikela tikweni legi gi akilweko: va loga manna va kala va chikela mimbhinganweni ya tiko ga Kanani.

Eksodusi 16:4

Jehova aku ka Mosi: Languta, nzi ta mu nisela zibaba za le tilweni, a vanhu va ta huma va rolela lezi zi ringanako ka siku ni siku, na nzi va ringa lezaku xana va ta famba hi nayo wa mina, kutani zi nga tava lezo.

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Isaya 2:17

A kutikulisa ka vanhu ku ta tsongahatwa, ni kutikukumuxa ka vavanuna ku ta reletwa; hi Jehova yece a ta nga kulisiwa a ka siku lego.

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Ezekieli 20:19

Hi mina Jehova a Nungungulu wa nwina; fambani hi milayo ya mina, mu hlayisa a zileletelo za mina mu zi maha.

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Mitsengo 14:33

Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.

Luka 18:14

Nziku ka nwina: Loyi munhu i lo tlhelela kaya na a hlayiwa loyi a lulamileko ku hunza loyi munwani; hakuva ni wihi a ti kulisako i ta koramiswa; kanilezi loyi a ti koramisako i ta kuliswa. Joba 22:29; Mat. 23:12; Jak. 4:6

Johani 2:25

ku wa nga laveki lezaku a tiviswa nchumu hi za munhu; hakuva a wutsumbu gakwe i wa kari a zi tiva lezi zi nga nzeni ka munhu. 1 Sam. 16:7; 1 Kro. 28:9

Deuteronome 1:3

Makunu hi lembe ga 40, ka hweti ya 11, hi siku go ranga ga hweti, Mosi i lo hlawutela ka vanana va ka Israeli zontlhe lezi Jehova a mu leleteleko ku va byela.

Deuteronome 1:33

loyi a fambako mahlweni ka nwina lomu ndleleni, a mu lavela a wutshamu go gwimba matenda, ni ku mu kombisa ndlela laha wusikwini hi nzilo, ni laha hlikanhini hi refu.

Deuteronome 13:3

u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Deuteronome 29:5

Mina nzi mu rangele lomu xiwuleni 40 wa malembe; a tinguwo ta nwina a ti hlakalangi mimirini ya nwina, ni zilato za nwina a zi hlakalangi mikonzweni ya nwina;

Deuteronome 32:7

Alakanya masiku ya kaleloko; U khumbula malembe ya zizukulwana zi hunzileko, Wutisa a raru wa wena, i ta ku byela, Ni masingalakati ya wena ma ta ku hlawutela.

Deuteronome 7:18

U nga va chavi! Alakanya khwatsi lezi Jehova Nungungulu wa wena a zi mahileko ka Faro ni ka vontlhe vaGipite,

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Jakobe 1:3

na mu tiva lezaku a kuringwa ka kukholwa ka nwina ku vanga kutimisela. Rom. 5:3

Jakobe 4:10

Ti koramiseni mahlweni ka Hosi, yona yi ta mu kulisa. Joba 22:29; Mat. 23:12; 1 Ped. 5:6

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

Valamuli 2:22

Nzi ta ringa ha wona va ka Israeli, kasi ku wona lezaku va ta hlayisa a ndlela ya Jehova va famba ha yona, khwatsi hi vararu vabye, kutani va nga ta zi maha.

Valamuli 3:4

Ma wa hi ya ku ringa ha wona va ka Israeli, kasi ku tiva lezaku va ta ingisa milayo ya Jehova, leyi a nga leletela vararu vabye hi nomu wa Mosi.