Deuteronome 7:9 - Tshwa Bible

⁹ Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

Deuteronome 7:9 ပူးပေါင်းရင်းမြစ်များ

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 9:15

nzi ta alakanya a xivumelwano xa mina xi nga xikari ka mina na nwina ni ka zivangwa zontlhelele zi hanyako; a mati ma nga ta ha maha a ntalo wa ku lovisa a nyama yontlhe.

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

1 Kronekele 16:15

Alakanyani xivumelwano xakwe xontlhe xikhati, Ni zileletelo zakwe lomu ka khume ga mazana ya zizukulwana,

2 Kronekele 6:14

aku: Jehova Nungungulu wa ka Israeli, cima a ku na Nungungulu a fananako na wena, le tilweni ni laha misaveni; wena loyi u hlayisako a xivumelwano xa wena ni ku va mahela wuxinji a malanza ya wena lawa ma fambako mahlweni ka wena hi timbilu ta wona tontlhe; Ekso. 15:11; Deut. 4:39; 7:9

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Tisimu 103:18

Ka lava va hlayisako a xivumelwano xakwe, Va alakanya a zileletelo zakwe, va zi maha.

Tisimu 105:8

Wa alakanya xivumelwano xakwe xontlhe xikhati, A gezu legi gi nyikilweko mazanazana ya zizukulwana; Gen. 28:16; Deut. 7:9

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 146:6

Loyi a nga maha tilo ni misava, Ni bimbi ni zontlhe zi nga ka zona; Loyi a tsumbekako kala kupinzuka. Miti. 14:15; Kuv. 14:7

Tisimu 36:6

A kululama ka wena ku fanana ni zitsunga za hombe, Ni kulamula ka wena ku etile ku fanana ni bimbi, Jehova, u lonzowota vanhu ni zihari. Rom. 11:33

Eksodusi 20:6

kanilezi nza va mahela wuxinji kala ka xizukulwana xa khume ga mazana xa lava va nzi ranzako, lava va hlayisako milayo ya mina.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Mikosi 3:23

Gi tlhela gi hi giswa mixo ni mixo, A kutsumbeka ka wena ka hombe.

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

1 Va le Korinte 1:9

Nungungulu i tsumbekile, loyi a mu vitanileko a ku ta hlengela ni Nʼwana wakwe Jesu Kristu a Hosi ya hina. Isa. 49:7; Joh. 15:4; Maheb. 10:23; 1 Joh. 4:13

1 Va le Korinte 10:3

vontlhe va loga a kuga kunwe ka moya; Ekso. 16:15; Joh. 6:32-56

1 Va le Korinte 8:3

Kanilezi loku munhu a ranza Nungungulu, yaloye wa tibyiwa hi yena. Ekso. 33:12; Nah. 1:7; Mat. 7:23; Gal. 4:9; 2 Tim. 2:19

2 Va le Korinte 1:18

Kanilezi nza tiyisa hi kutsumbeka ka Nungungulu, lezaku a timhaka leti nzi ti wulako ka nwina a ti hunzukangi ti maha ta Ina ni Ahihi.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 4:35

Wena u kustumunyu wa lezi zilo, kasi wena u fela ku zi tiva lezaku Jehova i Nungungulu, a ku kona munwani ahandle kakwe.

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

Deuteronome 5:10

Kanilezi nza va mahela wuxinji kala ka xizukulwana xa khume ga mazana xa lava va nzi ranzako, va hlayisako milayo ya mina.

1 Va le Tesalonika 5:24

I tsumbekile loyi a mu vitanako, yaloye i ta zi maha. 1 Kor. 10:13

2 Va le Tesalonika 3:3

Kanilezi a Hosi yi tsumbekile, yi ta mu tiyisa, yi mu hlayisa ka loyi wa kubiha. Joh. 17:15

2 Timote 2:13

Loku hi nga tsumbeki, yena i ta simamisa a tsumbekile; hakuva a nga na ku ti kaneta. Mitse. 23:19; Rom. 3:3; 9:6

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Maheberu 10:23

A hi khomisiseni a kuvumela ka kutsumba ka hina, kasi ku nga kanakaniswi; hakuva i tsumbekile loyi a nga hi tsumbisa. 1 Kor. 1:9; 10:13; 2 Tes. 3:3

Maheberu 11:11

Hi kukholwa Sara i lo kuma ntamu wa ku xura nyimba, hambu lezi a xikhati xakwe xi nga hunzile, hilezi i lo alakanya aku i tsumbekile loyi a nga mu tsumbisa. Gen. 21:2; Rom. 4:21

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

1 Johani 1:9

Loku hi vumela a zionho za hina, Nungungulu i tsumbekile ni kululama, lezaku a hi tsetselela a zionho za hina, ni ku hi hlaza kontlhe a kungalulami. Tis. 32:5; 51:2; Mat. 28:13

Valamuli 2:1

A ngelosi ya Jehova yi lo suka hi le Gilgale yi kanziha Bokima, yi ta ku ngalo: Nzi mu humesile le Gipite, nzi mu tisa ka tiko legi nzi hlambanyileko ku gi nyika ka vararu va nwina, nziku: Cima nzi nga ta tshova xivumelwano xa mina na nwina. Gen. 15:18; Deut. 29:14

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.