Deuteronome 7:6 - Tshwa Bible

⁶ hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

Deuteronome 7:6 ပူးပေါင်းရင်းမြစ်များ

1 Tihosi 3:8

A nanza ga wena gi lomu xikari ka vanhu va wena, lava u va hlawulileko, a vanhu va teleko, va tsanza-vahlayi hi kota ya ku tala kabye. Gen. 13:16; 1 Tih. 1:20

Ezra 9:2

Hakuva va tekile a vanhwana vabye, va va tekanisa ni vana vabye, va tlhanganyisa a lixaka la ku basa ni vamatiko; a kuonha loku ku sangulwe hi tihosana ta vanhu ni vafumeli va kona. Ekso. 34:15; Deut. 7:1; Vala. 3:6

Tisimu 114:2

Juda i lo maha wutshamu gakwe gi basileko, Na Israeli ava kufuma kakwe.

Tisimu 135:4

Hakuva Jehova i ti hlawulele Jakobe, Na Israeli lezaku ave tshomba yakwe. Ekso. 19:5; Deut. 7:6

Tisimu 50:5

Tsombanyisani a vobasa va mina vata ka mina, Lava va mahileko a xivumelwano zinwe na mina hi muphahlo.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 41:8

Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Isaya 41:9

Wena loyi nzi ku tekileko magemeta-musi ya misava, Nzi ku vitanileko magunweni ya kona, Nzi ku byelile, nziku: Wena u nanza ga mina, Nzi ku hlawule, a nzi ku tsikangi.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Jeremia 2:3

Israeli i wa basiselwe Jehova, A mbhanzu wo ranga wa kutshovela kakwe; Vontlhe lava va mu gako va tava ni nanzu, Va ta humelwa hi khombo, ku wula Jehova. Jak. 1:18

Ezekieli 20:5

uku ka vona: Hosi Jehova i ngalo: A siku legi nzi nga hlawula ha gona Israeli, nzi lo hlambanya ka pswalo wa yindlu ya ka Jakobe, nzi ti tivekisa kabye lomu tikweni ga Gipite, nziku: Hi mina Jehova a Nungungulu wa nwina. Ekso. 6:8; Deut. 7:6

Levi 20:24

Nzi sina nzi mu byelile lezaku: Nwina mu taya fumela a tiko gabye, nzi ta mu nyika gona giva tshomba ya nwina; a tiko gi khulungako masi ni wulombe. Hi mina Jehova, Nungungulu wa nwina, loyi nzi mu hambanyisileko xikari ka matiko.

Levi 20:26

Nwina mu tava va basileko ka mina, hakuva mina Jehova nzi basile; nzi mu hambanyisile xikari ka manwani matiko, kasi mu fela kuva vanhu va mina.

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Mitiro 13:17

Nungungulu wa lixaka leli la ka Israeli i lo hlawula a vakoko va hina, a va kulisa laha va nga luvele tikweni ga le Gipite, a va humesa ka gona hi canja gi tlakukileko,

Va le Roma 9:4

Va nga vaIsraeli, lava a wunʼwana gi nga gabye, ni wudumo, ni xivumelwano, ni nayo, ni wukhozeli ga tempeli, ni zitsumhiso. Deut. 7:6; Tis. 63:2; Miti. 13:32

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Deuteronome 14:21

Nwina mu nga taga xa kufa ha xoce. Wena u nga xi nyika muluveli loyi a akileko laha mutini wa wena, aga; kutani ku xi xavisa ka wamatiko; hakuva nwina mu vanhu va basileko va Jehova Nungungulu wa nwina. U nga bhiki ximhutana mafini ya nyine wa xona.

Deuteronome 26:18

Jehova i tiyisile nyamutlha lezaku mu vanhu vakwe wutsumbu, khwatsi hi lezi a ku tsumbisileko loku u kari u ingisa yontlhe milayo yakwe;

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19

Deuteronome 28:9

Jehova i ta ku yimisa lezaku uva tiko legi gi basileko, khwatsi hi lezi a hlambanyileko ka wena, loku u hlayisa a milayo ya Jehova Nungungulu wa wena, ni loku u famba hi tindlela takwe. Ekso. 19:6

Deuteronome 33:3

Ina, yena wa ranza a tiko gakwe, Vontlhe va kubasa va gona va le canjeni ga wena, Vona va tshama laha mikonzweni ya wena, Va amukela a timhaka ta wena.

Deuteronome 4:20

Nguvu nwina, Jehova i mu humesile khombarini ga nzilo wa le Gipite, kasi mu fela ku maha vanhu vakwe kota lezi mu zi wonako nyamutlha.

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

2 Pedro 2:5

Ni tiko ga kale a nga gi tsetselelangi, hambu lezi a nga hlayisa Noa, a mukaneli wa kululama, zinwe ni vanwani va ntlhanu ni vambiri, laha a nga neha a ntalo hehla ka tiko ga lava va nga chaviko Nungungulu. Gen. 7:1, 7; 1 Ped. 3:19

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.