Deuteronome 7:16 - Tshwa Bible

¹⁶ Wena u ta heta wontihe matiko lawa Jehova Nungungulu wa wena a ku nyikileko wona, u nga ta va hawukela. Kambe u nga khozeli vanungungulu vabye, hakuva lezo zi tava ziyo ka wena.

Deuteronome 7:16 ပူးပေါင်းရင်းမြစ်များ

Tisimu 106:34

A va lovisangi a tixaka Leti Jehova a nga wa va leletele ha tona. Deut. 7:1; 12:2; Vala. 1:21

Tisimu 106:36

Va lo khizamela zifananiso zabye, Lezi zi nga va phasamisa.

Eksodusi 23:33

Vona va nga aki lomu tikweni ga wena, va nga dzuka va ku onhisa mahlweni ka mina; hakuva loku u khozela a vanungungulu vabye, zonake va tava phanya ka wena.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Mitsengo 33:55

Kanilezi loku mu nga hlongoli vaaki va tiko mahlweni ka nwina, mu va tsika va tshama xikari ka nwina, vona va ta kota mizwa mahlweni ya nwina, va ku khwatsi mitlonga mareveni ya nwina, va mu karata ka tiko legi mu ta nga aka ka gona. Jox. 23:13; Vala. 2:3

1 Va le Korinte 15:33

Mu nga kohliswi; a ku tolovetana ni vakubiha ka bihisa a mahanyela ma nene.

Deuteronome 13:8

u nga vumeli, hambu ni ku mu ingisa, ni kambe u nga mu tsetsi hambu ni ku mu zwela wusiwana, hambu ni ku mu fihla.

Deuteronome 13:9

Kanilezi u ta mu daya futsi; ni canja ga wena gi ta sangula ku mu gandla, zonake mawoko ya vontlhe vanhu va ta lanzela.

Deuteronome 19:13

U nga mu nyenyeleteli, kanilezi u ta susa a kuhalatwa ka nkhata wu nga hiko na nanzu lomu ka Israeli, kasi wa fela ku tshameka.

Deuteronome 19:21

A tihlo ga wena gi nga mu tsetsi; a wutomi gi ta rihiwa hi wutomi, a tihlo hi tihlo, a tino hi tino, a woko hi woko, a nenge hi nenge. Ekso. 21:23; Mat. 5:38

Deuteronome 25:12

zonake wena u ta mu tsema canja gakwe, u nga mu nyenyeleteli.

Deuteronome 7:2

ni laha Jehova Nungungulu wa wena a ta nga va nyikela mahlweni ka wena, u va hlasela, u va lovisa, u va hihirita; u nga dzuki u maha xivumelwano zinwe navo, hambu ni ku va mahela tipswalo.

Deuteronome 7:25

Zifananiso lezi zi vatlilweko za vanungungulu vabye mu ta hisa nzilweni; mu nga mbilukeli a siliva ni nzalama lezi zi nga ka zona, ni kambe u nga zi teki, zi nga maha ziyo ka wena, hakuva zona zinyenyeko mahlweni ka Jehova Nungungulu wa wena.

Joxua 11:20

Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.

Valamuli 2:12

Va lo fularela Jehova, a Nungungulu wa vararu vabye, loyi a nga va humesa tikweni ga le Gipite, va lanzela vanwani vanungungulu va matiko lawa ma va ranzelekeleko, va va khizamela, va zangarisa Jehova.

Valamuli 2:3

Hikwalaho minawu nzite: Nzi nga ta va hlongola mahlweni kanwina, kanilezi va ta kota mizwa lomu mareveni ya nwina, a vanungungulu vabye va tava ziyo ka nwina.

Valamuli 3:6

Va lo tekana ni vanhanyana vabye, vonawu va nyikela vanhanyana vabye ka vana vabye, va khozela vanungungulu vabye. Ekso. 23:32; Deut. 7:3

Valamuli 8:27

Gideoni i lo maha a efode ha zona, a yi veka le Ofra, laha mutini wabye. Kanilezi a vaIsraeli va lo maha wuoswi ha yona, yi maha kambe a ziyo ka Gideoni ni ka yindlu yakwe yontlhe. Ekso. 28:4, 6