Deuteronome 6:3 - Tshwa Bible

³ Zwana, O Israeli! u chivirika a ku maha lezi zilo, kasi wa tshameka, mu anza nguvu lomu tikweni legi gi khulungako masi ni wulombe, kota lezi Jehova Nungungulu wa vararu va wena a ku byelileko.

Deuteronome 6:3 ပူးပေါင်းရင်းမြစ်များ

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 28:14

a pswalo wa wena wu ta kota a tshuri wa misava; wena u ta hangalaka le Mupela-gambo, ni Muhuma-gambo, ni Nwalungu, ni le Dzongeni; hi ka wena ni ka pswalo wa wena a matiko wontihe ma ta katekiswa.

Tisimu 119:4

U hi nyikile zileletelo za wena, Lezaku hi zi hlayisa hi kupinyama.

Eksodusi 1:7

A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Eksodusi 3:17

Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Jeremia 42:6

Hambu za kuva zo saseka kutani zo biha, hi ta ingisa a gezu ga Jehova a Nungungulu wa hina, loyi hi ku rumako ka yena, kasi hi fela ku humelela loku hi ingisa a gezu ga Jehova a Nungungulu wa hina.

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Mitiro 7:17

Kanilezi loku xi chikele a xikhati xa xitsumbiso, lexi Nungungulu a nga xi tsumbisa ka Abrahama, a vanhu va wa anza va enzelekelana le Gipite, Gen. 15:13

Deuteronome 11:9

kasi ma fela ku anziselwa masiku ya nwina lomu ka misava leyi Jehova a hlambanyileko ka vararu va nwina a ku va nyika vona ni vazukulu vabye, a misava leyi yi khulungako a masi ni wulombe.

Deuteronome 26:15

Cuwuka na u hi kwaleyo tilweni wutshanwini ga wena ga kubasa, u katekisa vanhu va wena va Israeli, ni misava leyi u hi nyikileko yona, yi maha tiko legi gi khulungako masi ni wulombe, khwatsi hi lezi u hlambanyileko ka vararu va hina.

Deuteronome 26:9

Makunu i hi chiketile ka legi wutshamu, ni ku hi nyika a tiko legi gi khulungako masi ni wulombe.

Deuteronome 27:3

zonake u ta tsala hehla ka wona a timhaka tontlhe ta lowu nayo, laha na u tlhatukile a ku ya enghena ka tiko legi Jehova Nungungulu wa wena a ku nyikileko, a tiko gi khulungako masi ni wulombe, khwatsi hi lezi Jehova Nungungulu wa vararu va wena a ku tsumbisileko.

Deuteronome 31:20

Hakuva nzi ta va chiketa tikweni legi nzi hlambanyileko ka vararu vabye a ku va nyika, a tiko gi khulungako masi ni wulombe; laha va ta ngaga va xura, va kuluka, va ta sangula ku hunzulukela vanwani vanungungulu va va khozela, va nyenya mina, va hambunyeta xivumelwano xa mina.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

Deuteronome 8:8

a tiko ga mavele, ni sevada, ni ga mavina, ni ga makuwu, ni ga mapomegranada; a tiko ga maoliva ni mafura ni wulombe;