Deuteronome 4:7 - Tshwa Bible

⁷ Hakuva hi gihi tiko legi gi nga ni nungungulu wa gona laha kusuhani, khwatsi hi lezi Jehova Nungungulu wa hina a nga kusuhani na hina ka wontihe masiku lawa hi khongelako kakwe?

Deuteronome 4:7 ပူးပေါင်းရင်းမြစ်များ

2 Samueli 7:23

Hi gihi tiko laha misaveni gi fananako ni vanhu va wena va ka Israeli, lava Nungungulu a va tlhatlhisileko, kasi va fela ku maha a vanhu vakwe, a ti mahela vito, a mu mahela zilo za hombe zi chavekako lomu tikweni ga wena, hi ku hlongola a vanhu ni vanungungulu vabye mahlweni ka vanhu va wena lava u va tlhatlhisileko le tikweni ga Gipite ke?

Tisimu 145:18

Jehova i kusuhi ni vontlhe lava va mu khongelako, Lava va mu vitanako hi zinene.

Tisimu 147:20

A nga mahangi lezo ka manwani matiko, A zileletelo zakwe a ma zi tivi. Dumisani Jehova!

Tisimu 148:14

I tlakusile a limhonzo la vanhu vakwe, Lezaku a dumiswa hi vakubasa vakwe vontlhe; Va nga vana va Israeli, a tiko gi nga kusuhani kakwe. Dumisani Jehova!

Tisimu 34:17

Loku a valulamileko va rila, Jehova wa ingisa; A va tlhatlhisa zikaratweni zabye.

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Tisimu 85:9

Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. Joh. 1:14

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Isaya 55:6

Hlotani Jehova na a ha kumeka, Mu vitaneni na a ha hi kusuhani!

Mitsengo 23:21

A nzi kumi khombo ka Jakobe, Hambu ni ku wona kukarateka ka Israeli. Jehova, Nungungulu wakwe, i zinwe na yena, I Hosi yabye leyi va mahako guwa ga ku yi tsakela.

Mitsengo 23:9

Hakuva nza mu wona na nzi hi hehla ka ribye, Nzi mu cuwuka na nzi hi zitsungeni. Langutani, i vanhu lava va tshamako tlhelo, Lava va nga ti hlayiko ku fanana ni manwani matiko.

Mitiro 17:27

lezaku ti fela ku lava Nungungulu, kutani ti nga hulumetela ti mu kuma, hambu lezi a nga hiku kule ka munwe ni munwani wa hina. Rom. 1:20; Xip. 14:17

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Deuteronome 4:32

Wutisa ta masiku ya kale lawa ma ku rangeleko, kusukela a siku lego Nungungulu a nga vanga munhu laha misaveni, kusukela kusanguleni ka tilo kala magumeso ya gona, xana ku na nga humelela a zilo za hombe zo kota lezi ke? kutani va na ngazwa zo kota lezo ke?

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22