Deuteronome 4:34 - Tshwa Bible

³⁴ Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Deuteronome 4:34 ပူးပေါင်းရင်းမြစ်များ

Tisimu 136:12

Hi canja ga ntamu ni woko gi nawulutilweko, Hakuva a wuxinji gakwe ga kala kupinzuka. Deut. 4:34

Tisimu 24:8

Himani a Hosi ya kungangamela ke? Hi Jehova a nga ni ntamu, a nga nghwazi; Jehova i nghwazi ya kulwa. Ekso. 15:3

Tisimu 78:12

I lo maha zihlamaliso kuwoneni ka vararu vabye, Lomu tikweni ga Gipite, ni le Zoani.

Eksodusi 1:9

Yiku ka vanhu va yona: Leli lixaka la vanana va ka Israeli, la hi hunza hi kutala ni ntamu;

Eksodusi 10:21

Jehova Uku ka Mosi: Tlakusa a canja ga wena le hehla kasi ku fela kuva kona munyama lomu tikweni gontlhe ga Gipite; a munyama lowu wu ta nga zwakala ka vanhu.

Eksodusi 10:7

Zonake a malanza ya Faro maku kakwe: Loyi munhu i tava ziyo xikari ka hina kala rini? Tlhatlha vanhu lava va ya khozela Jehova, Nungungulu wabye. A ku zi woni lezaku a Gipite ga lova ke?

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 14:30

Ka lego siku Jehova i lo hanyisa Israeli canjeni ga vaGipite, ni vaIsraeli va lo wona a zirumbi za vaGipite lomu mbhirini ya bimbi.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Eksodusi 3:10

Makunu nza ku ruma, famba ka Faro u ya humesa a vanhu va mina, a vanana va ka Israeli le Gipite.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Eksodusi 7:3

Kanilezi mina nzi ta nonohisa a mbilu ya Faro, zonake nzi anzisa a zirewukiso za mina lomu tikweni ga Gipite.

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Jeremia 21:5

Mina wutsumbu nzi talwa na nwina hi canja gi tlakusilweko, hi woko ga ntamu, ni zanga, ni khulo ni xiviti xa hombe. Deut. 29:28

Jeremia 32:21

u lo humesa vanhu va wena va Israeli hi le tikweni ga Gipite hi ziwoniso ni mahanjalati, hi canja ga ntamu ni woko gi nawulutilweko, ni kuchavisa ko tshisa. Ekso. 6:6; 13:3, 14; 2 Sam. 7:23

Mitsengo 20:16

Hi lo rila ka Jehova, zonake i lozwa magezu ya hina, a rumela a ngelosi yakwe, yi ta hi humesa le Gipite. Makunu hi kona lomu Kadexe, ka muti lowu wu nga laha mbhinganweni wa tiko ga wena. Ekso. 14:19; 23:20

Deuteronome 1:30

Jehova Nungungulu wa nwina, loyi a fambako mahlweni ka nwina, i ta mu lwela kota lezi a nga mu mahela zontlhe mahlweni ka nwina le Gipite.

Deuteronome 10:21

Hi yena a wudzunzo ga wena, hi yena Nungungulu wa wena, loye a ku maheleko a zilo za hombe lezi zi chavisekako, lezi u zi wonileko hi mahlo ya wena.

Deuteronome 11:2

Tivani inyamutlha (hakuva a nzi wulawuli ni vanana va nwina lava va nga tiviko ni lava va nga wonangiko kutsayisa ka Jehova Nungungulu wa nwina), pimani khwatsi wukulu gakwe, ni canja gakwe ga ntamu, ni woko gakwe gi nawulutilweko,

Deuteronome 26:8

Na Jehova i lo hi humesa le Gipite hi canja ga ntamu na hi woko gi nawulutilweko, ni xichabyo xa hombe, zinwe ni ziwoniso ni masingita.

Deuteronome 29:3

A zikarato za hombe lezi u zi wonileko hi mahlo ya wena, ni zikombiso ni masingita ya hombe.

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Deuteronome 34:12

ni ntamu wakwe wa hombe, ni mitiro yontlhe leyi yi chavekako, leyi Mosi a nga yi maha mahlweni ka vontlhe va ka Israeli.

Deuteronome 5:15

Hakuva u fela ku alakanya lezaku wenawu u wa hi xitiri le tikweni ga le Gipite, kanilezi Jehova Nungungulu wa wena i ku humesile hi canja ga ntamu gi tlakukileko, hikwalaho Jehova Nungungulu wa wena i ku leletele ku hlayisa a siku ga Sabado.

Deuteronome 6:21

Zonake u ta byela nʼwana wa wena ku ngalo: Hina hi wa hi tikhumbi ta Faro le tikweni ga Gipite, kanilezi Jehova i hi tlhatlhisile hi canja ga ntamu.

Deuteronome 7:19

a zikarato lezi za hombe zi wonilweko hi mahlo ya wena, ni ziwoniso ni zihlamaliso, ni canja ga ntamu, ni woko gi nawulutilweko, lezi Jehova Nungungulu wa wena a ku humesileko ha zona. Zinghaho Jehova Nungungulu wa wena i ta mahisa zalezo ka wontihe matiko lawo u ma chavako.

Deuteronome 9:29

Kasi lezo vona mbanhu va wena, ni tshomba ya wena, lava u va humesileko le Gipite hi ntamu wa wena wa hombe, ni woko ga wena gi nawulutilweko.

Joxua 24:7

Laha va nga rila ka Jehova, yena i lo veka munyama xikari ka nwina ni vaGipite, i lo wuyisa a bimbi hehla ka vona gi va fenengeta. A mahlo ya nwina ma wonile lezi nzi zi mahileko ka vaGipite; zonake mu lo tshama xiwuleni masiku yo tala.

1 Pedro 5:6

Hikwalaho ti koramiseni lahasi ka canja ga ntamu wa Nungungulu, kasi yena wa fela ku mu kulisa hi xikhati xi faneleko. Jak. 4:10