Deuteronome 4:1 - Tshwa Bible

¹ Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:1 ပူးပေါင်းရင်းမြစ်များ

Tisimu 105:45

Lezaku kasi va hlayisa a ziyimiso zakwe, Va gonga milayo yakwe. Dumisani Jehova! Deut. 6:24

Tisimu 119:4

U hi nyikile zileletelo za wena, Lezaku hi zi hlayisa hi kupinyama.

Eksodusi 18:20

u va gonzisa a ziyimiso ni milayo, u va kombisa a ndlela leyi va faneleko ku famba ha yona, ni ntiro lowu va faneleko ku wu tira.

Jeremia 11:6

Zonake Jehova i lo wula ka mina, aku: Kanela tontlhe leti timhaka a mitini ya ka Juda, ni lomu maruweni ya Jerusalema, Uku: Ingisani a timhaka ta lexi xivumelwano, mu maha tona.

Ezekieli 11:20

kasi va fela ku hlayisa a zilayelo za mina, va gonga a zileletelo za mina, va zi maha. Va ta kuva vanhu va mina, mina nziva Nungungulu wabye. Ekso. 6:7; Deut. 30:9; Jer. 7:23

Ezekieli 20:11

Nzi lo va nyika milayo ya mina, nzi va gonzisa a zileletelo za mina, a munhu loyi a zi hlayisako i ta hanya ha zona. Deut. 5:1; Rom. 10:5; Gal. 3:12

Ezekieli 20:21

Kanilezi a vana vabye va lo nzi hluwuka; a va hlayisangi a milayo ya mina, va alile a zileletelo za mina, lezi a munhu a ta nga hanya ha zona loku a zi maha; va lo nyenyezisa a masabado ya mina. Zonake mina nziku nzi ta chulula a zanga ya mina hehla ka vona, nzi tira hi khulo ga mina kabye lomu xiwuleni.

Ezekieli 36:27

Nzi ta mu chela a Moya wa mina nzeni ka nwina, nzi mu fambisa zilayelweni za mina, mu ta hlayisa a zileletelo za mina, mu zi maha.

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Levi 18:5

Hikwalaho mu ta ingisa milayo ya mina ni zileletelo za mina; a munhu loye a zi mahako i ta hanya ha zona: hi mina Jehova. Ezek. 20:11; Rom. 10:5; Gal. 3:12

Levi 19:19

Nwina mu ta hlayisa zileletelo za mina. U nga vumeli xifuyo xa wena xi kanzihiwa hi linwani lixaka. U nga byali timbewu ta tixaka timbiri sinwini ga wena. U nga ambali a nguwo leyi yi lukilweko hi tixaka ti hambeneko.

Levi 19:37

Mu ta hlayisa milayo yontlhe ya mina ni zileletelo zontlhe za mina, mu zi maha. Hi mina Jehova.

Levi 20:8

Mu ta hlayisa milayo ya mina, mu yi maha. Hi mina Jehova loyi a mu basisako.

Levi 22:31

Hikwalaho hlayisani milayo ya mina mu yi ingisa. Hi mina Jehova.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Johani 15:14

Nwina mu maxaka ya mina, loku mu maha lezi nzi mu leletelako. Mat. 12:50

Va le Roma 10:5

Hakuva Mosi i tsala lezaku a munhu loyi a mahako a kululama loku ku nga ka nayo i ta hanya ha kona. Levi 18:5

Deuteronome 1:3

Makunu hi lembe ga 40, ka hweti ya 11, hi siku go ranga ga hweti, Mosi i lo hlawutela ka vanana va ka Israeli zontlhe lezi Jehova a mu leleteleko ku va byela.

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 11:1

U ta ranza Jehova Nungungulu wa wena, u hlayisa lezi a zi wulileko ka wena, u hlayisa xontlhe xikhati a ziyimiso zakwe, ni zileletelo zakwe, ni milayo yakwe.

Deuteronome 11:32

Mu ta chivirika ku hlayisa milayo yontlhe ni zontlhe zileletelo lezi nzi vekileko mahlweni ka nwina inyamutlha.

Deuteronome 13:1

Loku ku vumbuluka muprofeti kutani mulori ka nwina, a vumba ni ku kombisa zihlamaliso ni zirewukiso,

Deuteronome 16:20

Wena u ta lanzela nongameto basi, kasi wa fela ku hanya u fumela a tiko legi Jehova Nungungulu wa wena a ku nyikileko gona.

Deuteronome 30:16

lezi nzi ku leletelako nyamutlha a ku ranza Jehova Nungungulu wa wena, ni ku famba hi tindlela takwe, ni ku hlayisa milayo yakwe, ni timhaka takwe, ni zileletelo zakwe, kasi wena wa fela ku hanya ni ku anza, kasi Jehova Nungungulu wa wena i ta ku katekisa ka tiko legi u yako ku ya gi fumela.

Deuteronome 30:19

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

Deuteronome 4:45

legi hi wumboni ni milayo ni zileletelo, lezi Mosi a nga nyika ka vanana va ka Israeli na va humile le Gipite,

Deuteronome 4:8

Ni lezaku gi kwihi kambe a tiko ga hombe legi gi nga ni milayo ni zileletelo zi lulamileko khwatsi hi yontlhe milayo leyi nzi yi vekako nyamutlha mahlweni ka nwina?

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Deuteronome 5:33

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

Deuteronome 6:1

Makunu lowu hi wona a nayo ni timhaka ni zileletelo lezi Jehova Nungungulu wa nwina a leleteleko ku mu gonzisa zona, kasi mu zi maha a tikweni legi mu ta nga ya enghena ka gona mu gi fumela;

Deuteronome 6:24

Na Jehova i hi leletele ku hlayisa yontlhe milayo leyi ni ku yi maha, na hi kari hi chava Jehova Nungungulu wa hina, kasi hi fela ku tshameka xontlhe xikhati, kasi wa fela ku hi hlayisa hi hanya kala nyamutlha lezi.

Deuteronome 7:11

Hikwalaho u ta hlayisa milayo ni ziyimiso ni zileletelo lezi nzi ku leletelako nyamutlha, u zi maha.

Deuteronome 8:1

Mu ta hlayisa milayo yontlhe leyi nzi mu leletelako nyamutlha, kasi mu fela ku hanya hi ku anza, mu enghena kuya fumela a tiko legi Jehova a hlambanyileko ka vararu va nwina.

Deuteronome 8:11

Ti wonele ku nga taku u rivala Jehova Nungungulu wa wena, u tsika ku hlayisa milayo yakwe ni timhaka takwe ni zileletelo zakwe, lezi nzi ku leletelako nyamutlha.

Deuteronome 9:1

Ingisa Israeli! Inyamutlha u ta tlhatuka Jordani, uya enghena u khozisa matiko lawa ma ku hunzako hi wukulu ni ntamu, ni miti ya hombe yi nga ni makhokhola ma chikelako tilweni,

Joxua 3:9

Joxua i te ngalo ka vanana va ka Israeli: Tshinelani mu tazwa timhaka ta Jehova Nungungulu wa nwina.