Deuteronome 32:4 - Tshwa Bible

⁴ I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 32:4 ပူးပေါင်းရင်းမြစ်များ

Genesisi 1:31

Nungungulu i lo wona zontlhe a nga maha; languta, zi wa sasekile nguvu. Gi lohlwa, gica, kuva siku ga wuntlhanu ni ginwe.

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

2 Samueli 22:47

Jehova wa hanya! A gi dumiswe a ribye ga mina! A kuliswe Nungungulu, a nga ribye ga kuhanyisa ka mina!

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Nehemia 9:8

u kuma mbilu yakwe na yi kholekile mahlweni ka wena, u maha naye xivumelwano xo nyika vana vakwe a tiko ga maKanani, ni ga vaHiti, ni ga vaAmori, ni ga vaPerizi, ni ga vajebusi, ni ga vaGirgaxi, u tlhela u tatisa timhaka ta wena; hakuva wena u lulamile.

Joba 34:10

Hikwalaho zwanani mina, nwina vanhu va kupimisisa! A kubiha ku le kule na Nungungulu, Ni kugoha a ku kona ka Nyamintamu. Deut. 32:4; Rom. 3:5

Joba 35:14

Hambu loku u wula lezaku a ku mu woni, A mhaka yi le mahlweni kakwe, mu rinzele.

Joba 36:23

Himani a nga mu gonzisako a ndlela yakwe ke? Kutani himani a nga wulako kakwe: Wena u mahile kubiha? Deut. 32:4; 2 Kro. 19:7

Joba 8:3

Nungungulu wa zi kota ku hunzula nongameto ke? Nyamintamu wa zi kota ku hunzula kululama ke? Deut. 32:4

Tisimu 100:5

Hakuva Jehova i nene, a wuxinji gakwe ga kala kupinzuka, Ni kutsumbeka kakwe ku simamisa zizukulwaneni zontlhe.

Tisimu 138:8

Jehova i ta hetisa a ntiro wakwe a nzi tirelako wona. Jehova, a wuxinji ga wena ga kala kupinzuka; U nga tsiki a mitiro ya mandla ya wena.

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Tisimu 146:6

Loyi a nga maha tilo ni misava, Ni bimbi ni zontlhe zi nga ka zona; Loyi a tsumbekako kala kupinzuka. Miti. 14:15; Kuv. 14:7

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 18:46

Jehova wa hanya! A gi dumiswe a ribye ga mina! Ngha a kuliswe a Nungungulu wa kuhanyiswa ka mina!

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Tisimu 31:5

Nza nyikela a moya wa mina canjeni ga wena; U nzi tirulile, wena Jehova, Nungungulu wa lisine. Lu. 23:46; Miti. 7:59

Tisimu 33:4

Hakuva a mhaka ya Jehova yi lulamile; Yontlhe mitiro yakwe yi tsumbekile. Mitse. 23:19; 1 Sam. 15:29

Tisimu 78:35

Va lo alakanya lezaku Nungungulu i wa hi ribye gabye, Ni lezaku Nungungulu loyi a nga Hehlahehla hi mutiruli wabye;

Tisimu 9:16

Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

Tisimu 90:16

A ntiro wa wena a wu woneke ka malanza ya wena, Ni kungangamela ka wena ka vanana vabye.

Tisimu 92:15

Kasi ku kombisa lezaku Jehova i lulamile, Hi yena ribye ga mina, cima a nga na kubiha. Deut. 32:4; Zef. 3:5

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Tisimu 98:3

I alakanyile a wuxinji gakwe ni kutsumbeka kakwe ka yindlu ya Israeli, A magemetamusi ya misava ma wonile a kuhanyisa ka Nungungulu wa hina. Lu. 1:54

Tisimu 99:4

A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

Eksodusi 34:6

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Mutshawuteli 3:14

Nza zi tiva lezaku ni xihi lexi Nungungulu a xi mahako, xi ta simamisa kala ku pinzuka; ku hava nchumu wu nga engetelwako ka xona, hambu ku hungulwa. Nungungulu i zi mahile kasi vanhu vave ni xichawo mahlweni kakwe. Tis. 33:11; Isa. 46:10

Isaya 17:10

Hakuva u tsikile Nungungulu wa kuhanyiswa ka wena, A ku alakanyangi a ribye ga khokhola ga wena, Hikwalaho u ta rima a masimu ya zibyalo zo saseka, U sima kona a zibyalo za le matikweni.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Habakuka 1:13

Wena wa mahlo ma basileko, laha ka kuva u hluleka ku cuwuka kubiha, lawa ma nga zi kotiko ku wona kutsimbeketwa, hikuyini u cuwukako a vamahi va kubiha, u miyela loku a wakubiha a mita loyi a mu hunzako hi kululama ke?

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Mateu 5:48

Hikwalaho ngha na nwina mu mbhelela, khwatsi hi Raru wa nwina wa le tilweni a mbheleleko. Gen. 17:1; Efe. 5:1; Jak. 1:4

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:17

Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 5:22

Tlhatakumbiri, Dadani a nga lamuli munhu ni munwe, kanilezi i hendleletele Nʼwana a kulamula kontlhe; Mat. 11:27; 28:18; Miti. 17:31; 1 Ped. 4:5

Va le Roma 1:32

lava vaku hambu va wu tiva a nayo wa Nungungulu, lezaku lava va mahako a zilo za kunghahi va fanelwe hi kufa, va zi maha, kambe va yimela lava va zi mahako.

Va le Roma 2:2

Hakuva ha zi tiva lezaku Nungungulu wa lamula hi zinene lava va mahako a zilo za kunghahi. 2 Tes. 1:6

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 3:5

Kanilezi loku a kungalulami ka hina ku kombisa a nongameto ya Nungungulu, hi taku yini ke? Kasi Nungungulu a nga lulamangi loku a tsayisa hi zanga ke? (Nza wulawula kota vanhu.) Gal. 3:15

1 Va le Korinte 10:4

vontlhe va lonwa a kunwa kunwe ka moya; hakuva va lonwa ribyeni ga moya legi gi nga va pangalata; a ribye lego gi wa hi Kristu. Ekso. 17:6; Mitse. 20:11; Tis. 78:15; Joh. 4:10; Kuv. 22:17

Deuteronome 10:18

loyi a yimelako zisiwana ni tinoni kulamuleni; loyi a ranzako valuveli, a va nyika kuga ni kuambala.

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Jakobe 4:12

Munwe ntsena a nga muyimisi wa milayo ni mulamuli; hi yena loyi a zi kotako ku hanyisa ni ku daya. Kanilezi hi wena mani loyi u lamulako a wakelene wa wena ke? Mat. 10:28; Rom. 14:4

1 Pedro 2:6

Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.