Deuteronome 3:18 - Tshwa Bible

¹⁸ Ka xona xikhati lexo mina nzi mu leletele, nziku: Jehova Nungungulu wa nwina i lo mu nyika a tiko legi a kuva ga nwina. Nwina nwentlhe vavanuna va tinhenha mu ta famba na mu hlomile mahlweni ka vamakabye va nwina, a vanana va ka Israeli.

Deuteronome 3:18 ပူးပေါင်းရင်းမြစ်များ

Genesisi 15:7

Yena i te ngalo ka yena: Hi mina Jehova loyi a nga ku humesa le Ure wa maKaldea, kasi nzi ku nyika legi tiko kuva tshomba ya wena.

Tisimu 136:21

A nyikela tiko gabye giva tshomba, Hakuva a wuxinji gakwe ga kala kupinzuka.

Mitsengo 33:53

Mu ta teka a tiko mu aka ka gona, hakuva mina nzi mu nyikile a tiko lego a kuva tshomba ya nwina.

Deuteronome 12:1

Leyi hi milayo ni zileletelo lezi mu ta nga zi hlayisa tikweni legi Jehova Nungungulu wa vararu va nwina a mu nyikileko ku ya gi fumela ka wontihe masiku lawa mu ta nga hanya laha misaveni.

Deuteronome 15:4

Na zona ku nga ta kuva ni xisiwana ka va ka nwina, hakuva Jehova i ta ku katekisa hi zinene a tikweni legi Jehova Nungungulu wa wena a ku nyikileko ku ya gi fumela, ni kuva tshomba ya wena;

Deuteronome 19:14

U nga rurisi a mbhingano wa wakelane wa wena, lowu vahombe va nwina va nga wu panza lomu ka tshomba leyi u ta ngaya yi kuma le tikweni legi Jehova Nungungulu wa wena a ku nyikileko kuya gi fumela.

Deuteronome 19:2

wena u ta ti pambulela miti minharu u yi yimisa xikari ka tiko ga wena legi Jehova Nungungulu wa nwina a ku nyikileko ku gi fumela.

Deuteronome 19:7

Hikwalaho nza ku laya lezaku u ti pambulela miti minharu.

Deuteronome 21:1

Loku ku kumiwa a munhu a delweko lomu tikweni legi Jehova Nungungulu wa wena a ku nyikileko ku gi fumela, na te chanjala lahandle ka muti, na a nga tibyiwi loye a mu deleko;

Deuteronome 25:19

Hikwalaho laha Jehova Nungungulu wa wena a ta nga ku nyika kuhumula ka vontlhe valala va wena lava va ku ranzeleko, lomu ka tiko legi Jehova Nungungulu wa wena a ku nyikileko kasi gi maha tshomba ya wena u gi fumela, zonake wena u ta hlanguta muAmaleki, a nga ha alakanyiwi kambe lahasi ka tilo; u nga rivali lezo. 1 Sam. 15:2; 1 Kro. 4:43

Deuteronome 5:31

kanilezi wena tshama laha zinwe na mina, nzi ta ku byela yontlhe milayo ni timhaka ni zileletelo; lezi u ta nga ya va gonzisa zona kasi va fela ku ya zi maha lomu ka tiko legi nzi va nyikileko ku ya gi fumela.

Deuteronome 6:1

Makunu lowu hi wona a nayo ni timhaka ni zileletelo lezi Jehova Nungungulu wa nwina a leleteleko ku mu gonzisa zona, kasi mu zi maha a tikweni legi mu ta nga ya enghena ka gona mu gi fumela;

Deuteronome 9:6

Hikwalaho tiva lezaku Jehova a nga ku nyiki a tiko legi go saseka ku gi fumela hi kota ya kululama ka wena, hakuva wena u tiko ga vanhu va tinhamu to nonoha.

Joxua 1:11

Fambani lomu magovelweni mu leletela vanhu, muku: Longisani timbuva, hakuva anzhako ka masiku manharu mu ta tlhatuka Jordani mu ya khozisa a tiko legi Jehova Nungungulu wa nwina a mu nyikileko gona a ku gi fumela. Joxua a wulawula ka tlawana wa va ka Israeli.