Deuteronome 2:7 - Tshwa Bible

⁷ Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Deuteronome 2:7 ပူးပေါင်းရင်းမြစ်များ

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 24:35

Jehova i katekisile nguvu a nwinyi wa mina, yena ngwa hombe; i mu nyikile tiyivu ni tihomu, ni siliva, ni nzalama, ni malanza, ni malanza ya xisati, ni makameli, ni timbongola.

Genesisi 26:12

Isaka i lo, rima ka lego tiko, a kuma hi ka zana lego lembe, hakuva Jehova i lo mu katekisa.

Genesisi 30:27

Labani i te ngalo kakwe: Loku mina nzi kumile thomo mahlweni ka wena, wa nga tshama; hakuva nza wona lezaku Jehova wa nzi katekisa hi kota ya wena.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

Genesisi 39:5

Ku suka hi laha na a mu yimisile a kuva muhlayisi wa yindlu yakwe ni zontlhe lezi a nga hi nazo, Jehova i lo katekisa a yindlu ya muGipite hi kota ya Josefa; a zikatekiso za Jehova zi wa hi hehla ka zontlhe lezi a nga hi nazo, lomu ndlwini ni le masinwini.

Nehemia 9:21

Ina, u te va hlayisa 40 wa malembe lomu xiwuleni, va nga vumali nchumu. A tinguwo tabye a ti hlakalangi, ni mikonzo yabye cima a yi vumbangi, Mitse. 14:4, 18; Deut. 8:3, 16

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Tisimu 107:4

Va wa nzulanzula lomu xiwuleni laha ku nga hi na vanhu, A va kumangi muti wo tshama ka wona. Maheb. 11:38

Tisimu 31:7

Nzi ta tsaka nzi buma hi kota ya wuxinji ga wena; Hakuva u wonile a hlomulo wa mina; U tivile a zikarato za muhefemulo wa mina.

Tisimu 90:17

Ngha a tipswalo ta Jehova, Nungungulu wa hina, tiva hehla ka hina! Hi tiyiseta a ntiro wa mandla ya hina; Ina, wu tiyise a ntiro wa mandla ya hina.

Eksodusi 16:35

A vanana va ka Israeli va loga manna 40 wa malembe, va kala va chikela tikweni legi gi akilweko: va loga manna va kala va chikela mimbhinganweni ya tiko ga Kanani.

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Hosea 13:5

Nzi ku tivile lomu xiwuleni, a tikweni gi womileko.

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Mitsengo 1:1

Jehova i lo wulawula ka Mosi na va hi le xiwuleni xa Sinai, lomu ka tenda ga mutlhangano, hi siku go ranga ga hweti ya wumbiri, ka lembe ga wumbiri ga kuhuma kabye hi le Gipite, aku:

Mitsengo 14:33

Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.

Mitsengo 14:34

Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!

Mitsengo 22:12

Nungungulu i te ngalo ka Balaami: U nga fambi navo. U ngayi u ya phunga lavo vanhu, hakuva va katekisilwe.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

Luka 22:35

A engeta aku kabye: Laha nzi nga wa mu rumile na mu hi hava xikhwama xa mali, ni nkwama, ni zilato, mu lo vumala nchumu ke? Vaku ngalo: A hi vumalangi nchumu. Mat. 10:9; Xip. 9:3

Johani 10:27

A tiyivu ta mina ta ingisa a gezu ga mina; mina nza ti tiva, ta nzi lanzela.

Deuteronome 1:19

Loku hi sukile le Horebe, hi tsemakanya xontlhe xiwula lexi xa hombe xo tshisa, lexi mu xi wonileko; hi famba hi ndlela ya xitsunga xa maAmori, kota lezi Jehova Nungungulu wa hina a hi leleteleko, kala hi chikela Kadexe-Barnea.

Deuteronome 1:46

Zonake mu lo tshama le Kadexe masiku yo tala, ma nga wona masiku lawo mu tshamileko leyo.

Deuteronome 2:14

A masiku lawa hi nga famba kusukela Kadexe-Barnea kala a siku legi hi nga tlhatuka xicongwana xa Zerede ma wa hi 38 wa malembe, kala ku mbhela vontlhe vavanuna lomu wugovelweni va hlomako yimpi, kota lezi Jehova a hlambanyileko.

Deuteronome 2:6

Nwina mu ta xava zakuga kabye hi mali, mu rihela ni mati lawa mu ta nganwa.

Deuteronome 29:4

Kanilezi kala lego siku Jehova a nga se mu nyika a mbilu ya ku pima ni mahlo ya ku wona, ni tindleve ta kuzwa. Isa. 6:10

Deuteronome 29:5

Mina nzi mu rangele lomu xiwuleni 40 wa malembe; a tinguwo ta nwina a ti hlakalangi mimirini ya nwina, ni zilato za nwina a zi hlakalangi mikonzweni ya nwina;

Joxua 5:6

Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21