Deuteronome 17:8 - Tshwa Bible

⁸ Loku ku nehiwa timhaka to karata ka wena, na ti hi timhaka ta kudaya, kutani kubangelana, kutani ta timbanga, a timhaka leti ti vuxako mazolonga lomu mitini ya nwina, zonake u ta suka uya ka wutshamu legi Jehova Nungungulu wa wena a ta nga gi hlawula;

Deuteronome 17:8 ပူးပေါင်းရင်းမြစ်များ

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16

Hagai 2:11

Jehova wa tiyimpi i ngalo: Makunu wutisa vapristi xungetano ni nayo, uku:

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Deuteronome 19:17

zonake a vanhu lavo vambiri va holovisanako va ta ya yima mahlweni ka Jehova, ni mahlweni ka vapristi ni Valamuli lavo va ta ngava kona lawo masiku.

Deuteronome 19:4

A mhaka ya mudayi loyi a ta nga chavela leyo kasi a fela ku hanya hi leyi: Loye a dayako wakelane wakwe hi mhango, na a nga mu vengangi ka masiku ma hunzileko;

Mitsengo 35:16

Kasike loku a muba hi simbi zonake afa, loyeke mudayi; hakunene mudayi i ta dawawu. Ekso. 21:12; Levi 24:17

Mitsengo 35:11

mu ta hlawula a miti leyi yi ta ngava ya wuponelo ga nwina, kasi a mudayi loyi a deleko a munhu hi mhango i ta zi kota ku chavela lomo.

Eksodusi 22:2

Loku a khamba gi kumiwa na gi panza, gi yiva, zonake gi dawa, a ku na nanzu ka loye a gi deleko.

Eksodusi 21:28

Loku a homu yi tlhava wanuna kutani wasati hi timhonzo ta yona, afa, a homu leyo yi ta gandliwa hi maribye; ni nyama ya kona ngha yi nga giwi. Kanilezi a nwinyi wa homu a nga tava ni nanzu.

Eksodusi 21:22

Loku a vanhu valwa, zonake va bayisa wasati a nga ni rumbu; loku a rumbu lego gi goheka, kanilezi yena a ngafi, zonake i ta rihiwa hi tsengo lowu a ta nga wu wula a nuna wakwe; i ta ya rihiwa mahlweni ka Valamuli.

Eksodusi 21:20

Loku a munhu aba a nanza gakwe ga xinuna, kutani ga xisati, gi fela mandleni yakwe, i ta tsayiswa.

Eksodusi 18:26

leti ti faneleko ku lamula vanhu zikhati zontlhe. A timhaka leti to karata, va wa ti yisa ka Mosi; leti titsongwani va lamula vona;

Eksodusi 18:15

Mosi aku ka muxade wakwe: Hi lezi a vanhu vata ka mina va ta wutisa Nungungulu.

Eksodusi 22:8

Loku a khamba gi nga kumiwi, a nwinyi wa yindlu i ta nehiwa mahlweni ka Nungungulu kasi ku tiva loku yena a nga yivangi a tshomba ya xaka gakwe.

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 25:1

Loku vavanuna va holovisana, zonake vaya mahlweni ka Valamuli kasi va fela ku ya lamulwa, a Valamuli va ta tlhatlha loyi a lulamileko ni ku kona loyi a nga ni nanzu.

Ezekieli 44:24

Va ta maha valamuli va timhaka, va lamula maringano ni milayo ya mina. Va ta hlayisa a zileletelo za mina ni ziyimiso za mina mibuzweni ya mina yontlhe; va ta basisa a masabado ya mina. Deut. 17:8; 2 Kro. 19:10; Mal. 2:7

Deuteronome 12:14

Kanilezi u ta nyikela a munyikelo wa wena wa kuhiswa ka wutshamu legi Jehova a ta nga gi hlawula lomu ka yinwe ya tinyangwa ta nwina, hi kwalaho u ta nga nyikela a minyikelo ya wena ya kuhiswa; u maha kona zontlhe lezi nzi ku leleteleko zona.

Deuteronome 21:5

Ni vapristi, a vana va Levi, va ta tshinela kusuhani, hakuva hi vona lavo Jehova Nungungulu wa wena a va hlawulileko a ku tira ku khozela yena, ni ku katekisa hi vito ga Jehova; hikwalaho a milomu yabye yi ta lamula ni ku rulisa tontlhe timholova ni mahungu wontihe ya ku balesana tiphanja.

2 Samueli 15:2

Absalome i wa vuka ni mixo a ya yima laha kusuhani ni ndlela ya nyangwa; loku a wona ni wihi munhu a yisako timhaka le hosini kasi ku ya lamulwa, Absalome i wo mu vitana aku kakwe: Uta hi ka wihi muti? Yena aku: A nanza ga wena gita hi ka yinwe ya tinyangwa ta ka Israeli.

1 Kronekele 26:29

Lomu xikari ka va ka Izari, Kenania ni vana vakwe va wa yimiselwe a timhaka ta le handle ta va ka Israeli, va hi vaxuxi ni Valamuli va tona.