Deuteronome 17:7 - Tshwa Bible

⁷ A mandla ya vakustumunyu hi wona ma ta nga ranga ma tlhateka hehla kakwe ku mu daya, zonake ku lanzela a mandla ya vontlhe vanhu. Hi ku maha lezo mu ta susa lezi zo biha xikari ka nwina.

Deuteronome 17:7 ပူးပေါင်းရင်းမြစ်များ

Levi 24:14

Humesa murukateli loye lahandle ka wugovelo, kasi vontlhe lava va nga muzwa va ta tlhateka mandla yabye hehla ka hloko yakwe, zonake wontihe ntlhangano wu ta mu gandla hi maribye.

Johani 8:7

Zonake laha va nga nonohisa va mu wutisa, i lo ti ololoxa, aku ngalo kabye: Loyi wa nwina a nga hiko na kuonha, a range a mu hoxa hi ribye. Deut. 17:7; Rom. 2:1

1 Va le Korinte 5:13

kanilezi Nungungulu i ta lamula lava va nga lahandle. Hlongolani a munhu wa kubiha xikari ka nwina. Mutsa. 12:14; Maheb. 13:4

Deuteronome 13:10

U ta mu gandla hi maribye kala afa; hakuva yena i wa lava ku ku kokela kule na Jehova Nungungulu wa wena, loyi a ku humesileko tikweni ga le Gipite, ni le ndlwini ya wukhumbi.

Deuteronome 13:5

A muprofeti loye, kutani mulori loye, i ta dawa; hakuva i kucetele vanhu ku hluwuka ka Jehova Nungungulu wa nwina, loyi a mu humesileko tikweni ga le Gipite, a mu tlhatlhisa ndlwini ya wukhumbi; a lava ku mu hambukisa ndleleni ya Jehova Nungungulu wa nwina, leyi a mu leleteleko ku famba ha yona. Hikwalaho mu ta susa lezi zo biha xikari ka nwina.

Deuteronome 13:6

Loku makabye wa wena, loyi a nga nʼwana wa mamani wa wena, kutani i nʼwana wa wena wa mufana, kutani i nhanyana wa wena, kutani i sati wa mbilu ya wena, kutani i nakuloni loyi u mu ranzako hi mbilu yontlhe ya wena, a ku kucetela hi le xihundleni, aku: A hi fambe hi ya khozela vanwani vanungungulu lava wena ni vararu va wena mu nga va tivangiko,

Deuteronome 13:9

Kanilezi u ta mu daya futsi; ni canja ga wena gi ta sangula ku mu gandla, zonake mawoko ya vontlhe vanhu va ta lanzela.

Deuteronome 17:12

A munhu loye a kanyisako, a nga ingisi mupristi loyi a yimisilweko ku khozela mahlweni ka Jehova Nungungulu wa wena, hambu ku ingisa mulamuli, a munhu loye i tafa. U ta susa lezi zo biha xikari ka vaIsraeli.

Deuteronome 19:19

zonake mu ta mu maha lezi a nga wa lava lezaku zi mahiwa ka wakelane wakwe, mu susa kubiha xikari ka nwina.

Deuteronome 21:21

Ni vontlhe vavanuna va muti va ta mu gandla hi maribye afa; hi ku maha lezo u ta susa kubiha xikari ka wena, zonake vontlhe va ka Israeli va ta zizwa va chava.

Deuteronome 22:21

va ta mu humesa laha nyangweni ya yindlu ya raru wakwe, zonake a vanhu va muti wabye va ta mu gandla hi maribye, kala afa, hakuva i mahile a zilo zo nyenyeza nguvu ka Israeli hi ku bhaya lomu ndlwini ka raru wakwe. Hikwalaho u ta susa kubiha xikari ka nwina.

Deuteronome 22:22

Loku wanuna a kumiwa na etlela ni wasati a tekilweko, hi wumbiri gabye va tafa, loye wa wanuna a etleleko ni wasati, na yena loye wasati. Zinghaho u ta susa kubiha lomu ka Israeli.

Deuteronome 22:24

mu ta va humesa hi wumbiri gabye lahandle ka muti lowo, mu va gandla hi maribye, vafa; a nhwana i tafa hakuva a nga bangi huwa laho mutini, ni wanuna i tafa hakuva i koramisile a sati wa wakelane wakwe. Hikwalaho u ta susa kubiha xikari ka wena.

Deuteronome 24:7

Loku munhu a yiva munhu wa vamakabye vakwe a xikari ka vanana va ka Israeli, a mu maha khumbi yakwe, kutani a mu xavisa, a khamba lego gi tafa; kasi wa fela ku susa kubiha xikari ka wena. Ekso. 21:16; 1 Tim. 1:10

Valamuli 20:13

Hi nyikeni vanyamijiri lavo va nga lomo Gibea hi Va daya, hi hlaza kubiha xikari ka Israeli. Kanilezi a va ka Benjamini va lo ala ku ingisa vamakabye vabye va ka Israeli.