Deuteronome 17:2 - Tshwa Bible

² Loku a hi kona munhu ka munwe wa miti leyi Jehova Nungungulu wa wena a ku nyikileko yona, kutani ngwanuna, kutani ngwasati, a mahako kubiha mahlweni ka Jehova Nungungulu wa wena hi ku hambunyeta xivumelwano xa yena,

Deuteronome 17:2 ပူးပေါင်းရင်းမြစ်များ

2 Tihosi 18:12

hakuva vona a va ingisangi a gezu ga Jehova Nungungulu wabye, kanilezi va hambunyetile a xivumelwano xakwe, ni zontlhe zileletelo za Mosi a nanza ga Jehova, a va zi ingisangi ge hambu ku zi maha.

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

Joba 31:28

Loko kambe kubiha ku faneleko ku tsayiswa hi mulamuli; Hakuva ngha nzi wa kanetile Nungungulu loyi a nga le hehla. Deut. 17:3

Eksodusi 22:19

Kani hi wihi a etlelako ni xifuyo i ta dawa.

Eksodusi 22:20

Loyi a khozelako munwani mingungulu ahandle ka Jehova, i ta dawa.

Jeremia 31:32

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Jeremia 34:18

Nzi ta nyikela a vanhu lava va nga hambunyeta a xivumelwano xa mina, va nga hlayisangiko a zileletelo za xivumelwano lexi va nga xi maha mahlweni ka mina, laha va nga panza role hi laha xikari, va hunza xikari ka zipanze za kona; Gen. 15:10

Ezekieli 16:38

Nzi ta ku lamula ku fanana ni lezi va lamulisiwako zona a vavasati lava va tshovako wukati ni lava va halatako a nkhata; nzi ta halata a nkhata wa wena hi zanga ni xiluse. Gen. 9:6; Mitse. 35:31; Joba 8:5

Hosea 6:7

Kanilezi va tshovile a xivumelwano khwatsi hi Adamu; va nzi kanganyisile kwalaho.

Hosea 8:1

Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13

Levi 20:2

Engeta u byela a vanana va ka Israeli, uku ka vona: Kani hi wihi xikari ka vanana va ka Israeli, hambu xikari ka valuveli lava va luvelako lomu ka va ka Israeli, loye a nyikelako a nwanana wakwe ka Moloki a ku mu maha munyikelo, hakunene i ta dawa: a vanhu va tiko va ta mu gandla hi maribye.

Levi 26:15

ni loku mu kanyisa a zileletelo za mina, ni loku mihefemulo ya nwina yi nyenya a ziyimiso za mina, mu nga ha hlayisi milayo ya mina yontlhe, kanilezi mu tshova xivumelwano xa mina,

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Deuteronome 17:5

zonake wena u ta humesa loye wanuna kutani loye wasati lahandle ka muti, u ta mu gandla hi maribye loye wanuna kutani wasati, afa. Ekso. 22:20

Deuteronome 29:18

Ku nga dzuki kuva kona xikari ka nwina a wanuna, kutani wasati, kutani i ngango, kutani lixaka leli a mbilu ya lona yi hambukileko legi siku ga Jehova Nungungulu wa hina, aya khozela vanungungulu va matiko lawo; ku nga taku kuva kona xikari ka nwina a mutsu lowu wu humesako nyongwa ni manonwe. Miti. 8:23; Maheb. 12:15

Deuteronome 29:25

Zonake a vanhu va ta hlamula, vaku: Hi lezi va tsikileko xivumelwano xa Jehova Nungungulu wa vararu vabye, lexi a mahileko zinwe na vona xikhatini lexo a nga va humesa hi le Gipite;

Deuteronome 31:20

Hakuva nzi ta va chiketa tikweni legi nzi hlambanyileko ka vararu vabye a ku va nyika, a tiko gi khulungako masi ni wulombe; laha va ta ngaga va xura, va kuluka, va ta sangula ku hunzulukela vanwani vanungungulu va va khozela, va nyenya mina, va hambunyeta xivumelwano xa mina.

Deuteronome 4:23

Tlharihani, mu nga rivali a xivumelwano lexi Jehova Nungungulu wa nwina a xi mahileko zinwe na nwina, mu nga tlheleli ka xifananiso xi vatlilweko, xi fananisako lezi Jehova Nungungulu wa wena a ku tsimbetelako zona.

Maheberu 10:28

Loku a munhu a hambunyetile a nayo wa Mosi wa dawa hi kota ya wukustumunyu ga vanhu vambiri kutani vanharu, a nga zwelwi wuxinji. Deut. 17:6; Mat. 18:16

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

Joxua 7:11

Israeli i onhile, i hambunyetile xivumelwano xa mina lexi nzi va leleteleko xona, ni kambe va tekile a zilo zo yila, va zi yivile, va khohlisa, va zi fihla lomu ka nhunzu yabye.

Joxua 7:15

Makunu a munhu loye a ta nga kumiwa na hi ni zilo za ku yila, yena i ta hisiwa ni zontlhe lezi a nga nazo, hakuva i hambunyetile xivumelwano xa Jehova, a maha zilo zi bihileko nguvu ka Israeli. Deut. 13:15; 1 Sam. 14:38, 39

Valamuli 2:20

Hilezo Jehova i lo zangarela va ka Israeli, aku: Lezi vanhu lava va hambunyetako a Xivumelwano lexi nzi xi maheleko vararu vabye, va nga ingisi a gezu ga mina,

Valamuli 6:31

Joaxi i lo hlamula vontlhe lava va nga wa mu vukela, aku: Hi nwina mu yimelako Baali ke? Mu lava ku mu ponisa ke? Loyi a mu yimelako a dawe na ga ha hi mixo. Loku a hi mingungulu, a ti lwele ha yece, hakuva a alati gakwe gi khungumulweko.