Deuteronome 16:3 - Tshwa Bible

³ U ngagi a xibaba xi comelweko zinwe nago, u taga xibaba xi nga comelwangiko ntlhanu wa masiku ni mambiri, na xi hi xibaba xa kuxaniseka, hakuva wena u lo huma hi kuhatlisa le tikweni ga Gipite, u ta alakanya wontihe masiku ya wutomi ga wena a siku legi u humileko ha gona le tikweni ga le Gipite.

Deuteronome 16:3 ပူးပေါင်းရင်းမြစ်များ

1 Tihosi 22:27

A hosi yi ngalo: Enghenisani inaloyi lomu paxweni, mu mu nyika zibaba ni mati ya tiperesu, kala nzi ya wuya hi kurula.

Tisimu 102:9

Hakuva nziga khuma wutshanwini ga xibaba, Nza patsa zakunwa za mina ni mihloti,

Tisimu 111:4

I mahile lezaku a mitiro yakwe yi fela ku alakanyiwa; Jehova ngwa tipswalo, i tele hi wuxinji.

Tisimu 127:2

A zi mu vuni nchumu ku vinzuka ni mixo, Ni ku pileka ni wusiku ga hombe, Muga zakuga hi kukarateka; Hakuva a muranziwa wakwe i nyikwa za ku tano wurongweni gakwe. Gen. 3:17, 19; Mat. 6:25

Eksodusi 12:11

Mu ta yiga kota lezi: Mu bohile ziwunu za nwina, na mu ambele a zilato mikonzweni ya nwina, mu khomile nhonga canjeni ga nwina; muga hi kuhatlisa. I Pasika ga Jehova.

Eksodusi 12:17

Mu ta hlayisa a mubuzo wa zibaba zi nga hava comelo, hakuva ka siku lego nzi lo humesa mabandla ya nwina tikweni ga Gipite; mu ta hlayisa siku lego zizukulwaneni za nwina, ku tava xiyimiso xa kala kupinzuka.

Eksodusi 12:39

Zonake va lo bhika zibaba zi nga comelwangiko za mapa lawa va nga huma nawo hi le Gipite, hakuva zi wa nga comelwangi, hi: lezi va loya hi ku hlongolwa le Gipite, hikwalaho va lo tsanzeka ku kuma xikhati xo ti longisela mbuva.

Eksodusi 12:8

Gona wusiku gwalego a vage a nyama yi wocilweko; vaga zinwe ni zibaba zi nga hiko na comelo, ni matluka yo bava.

Eksodusi 34:18

U ta hlayisa mubuzo wa zibaba zi nga comelwangiko. U taga zibaba zi nga comelwangiko lomu ka ntlhanu wa masiku ni mambiri, hi zikhati za kona kota lezi nzi ku leletelako lomu ka hweti ya Abiba, hakuva u humile Gipite hi hweti ya Abiba.

Isaya 52:12

Hakuva mu nga ta famba hi ku hatlisa, Ge hambu ku suka hi ku tsutsuma; Hakuva Jehova i ta mu rangela, Na Nungungulu wa ka Israeli i ta mu vikela lenzhako. Ekso. 12:33; 13:21; Deut. 16:3

Levi 23:6

zonake hi siku ga 15 lomu ka hweti, mubuzo wa zibaba zi nga hiko na comelo, wu mahelwako Jehova; ntlhanu wa masiku ni mambiri mu taga zibaba lezi zi nga hiko na comelo.

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Mitsengo 28:17

Hi siku ga 15 ga hweti leyi ku tava ni mubuzo. Ntlhanu wa masiku ni mambiri ku ta giwa zibaba zi nga comelwangiko.

Mitsengo 9:11

Va ta yi gawo hi siku ga 14 ga hweti ya wumbiri laha gambyeni; va taga a yivana ya pasika zinwe ni zibaba zi nga hiko na comelo, ni matluka yo bava. Ekso. 12:8; 2 Kro. 30:2, 15

Luka 22:19

Yena i lo teka xibaba, laha na a bongile, i lo xi khema, a va nyika, aku: Lexi hi miri wa mina, lowu wu nyikelwako nwina; mahani lezo, mu nzi alakanya ha zona. 1 Kor. 11:24

1 Va le Korinte 5:8

Hikwalaho a hi hlayiseni a mubuzo wa kona, na ku nga hi comelo ga kale, hambu hi comelo ga livengo ni kubiha; kanilezi hi xibaba xi nga comelwangiko xa kuhlazeka ni zinene. Ekso. 12:15; Deut. 16:3

Deuteronome 16:2

U ta tlhavela Jehova Nungungulu wa wena a Pasika hi zifuyo za hombe ni za zitsongwani ka wutshamu lego Jehova a ta nga gi hlawula a ku veka a vito gakwe laho.

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

1 Va le Tesalonika 1:6

Nwina mu lo maha vapimanyisi va hina ni va Hosi, hambu lezi mu nga amukele a mhaka hi kuxaniseka kunyingi, mu wa hi ni kutsaka ka Moya wa ku Basa;

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.