Deuteronome 13:4 - Tshwa Bible

⁴ Nwina mu ta lanzela Jehova Nungungulu wa nwina; mu nyika xichawo ka yena mu hlayisa milayo yakwe, mu ingisa a gezu gakwe; mu mu khozela, ni ku namarela ka yena.

Deuteronome 13:4 ပူးပေါင်းရင်းမြစ်များ

2 Tihosi 23:3

A hosi yi lo yima hi laha nyangweni yi maha xivumelwano mahlweni ka Jehova lezaku i ta lanzela Jehova, a hlayisa milayo yakwe, ni timhaka takwe, ni zileletelo zakwe hi mbilu yakwe yontlhe, ni muhefemulo wakwe wontihe, ni kutiyisa ka timhaka ta xivumelwano lexi, leti ti tsalilweko lomu bhukwini legi. A vanhu vontlhe va lo ti boha xivumelwaneni lexo. Jox. 24:25

2 Kronekele 34:31

A hosi yi lo yima wutshanwini ga yona yi maha xivumelwano mahlweni ka Jehova ku lanzela Jehova ni ku hlayisa milayo yakwe, ni wukustumunyu gakwe, ni zileletelo zakwe, hi mbilu yakwe yontlhe, ni muhefemulo wakwe wontihe, ni ku lanzela a timhaka ta xivumelwano leti ti tsalilweko lomu bhukwini.

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Va le Roma 6:13

Hambu ni ku nyikela a ziro za nwina kuonheni ziva matlhari ya kungalulami; kanilezi ti nyikeleni ka Nungungulu, khwatsi hi lava va humileko kufeni va hanya, ni ziro za nwina ziva matlhari ya kululama ya ku tirela Nungungulu.

1 Va le Korinte 6:17

Kanilezi loyi a tlhanganyisilweko ni Hosi i moya munwe zinwe nayo. Joh. 17:21; Efe. 4:40; 5:30

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 11:1

U ta ranza Jehova Nungungulu wa wena, u hlayisa lezi a zi wulileko ka wena, u hlayisa xontlhe xikhati a ziyimiso zakwe, ni zileletelo zakwe, ni milayo yakwe.

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Deuteronome 6:5

U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

2 Johani 1:6

A liranzo hi leli, lezaku hi famba hi milayo yakwe. A nayo hi lowu, lezaku mu famba liranzweni, kota lezi mu nga zizwa hi kusanguleni. 1 Joh. 2:5, 24

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8