Deuteronome 13:3 - Tshwa Bible

³ u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Deuteronome 13:3 ပူးပေါင်းရင်းမြစ်များ

1 Tihosi 13:19

Zinghaho a munhu wa Nungungulu i lo tlhela naye, a yaga zakuga ni kunwa mati lomu ndlwini yakwe.

Tisimu 119:2

Va katekile lava va hlayisako wumboni gakwe, Lava va mu lavako hi mbilu yabye yontlhe. Joh. 14:21, 23; 1 Joh. 3:23

Tisimu 66:10

Hakuva wena Nungungulu u hi ringile, U hi hlutile kota lezi siliva yi hlutiwako. Mav. 17:3; 1 Ped. 1:7

Tisimu 81:7

U lo nzi khongela na u hi zikaratweni, nzi ku ponisa, Nzi ku hlamule na nzi hi xihundleni xa kudzinza. Nzi ku ringa le matini ya Meriba. (Sela.) Ekso. 17:1; Mitse. 20:13

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

1 Va le Korinte 11:19

Hakuva ku fela kuva kona mitlawa xikari ka nwina, kasi ku ta woneka lava va nga va nene xikari ka nwina. Lu. 17:1; 1 Joh. 2:19

2 Va le Korinte 8:8

A nzi wuli lezi hi ku mu laya, kanilezi nzi lava ku mu ringa hi wunene ga vanwani, nzi wona loku a liranzo la nwina li hi li nene. 1 Kor. 7:6

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

Deuteronome 6:5

U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

2 Va le Tesalonika 2:11

Hikwalaho Nungungulu wa va rumela a ntamu lowu wu hambukisako, kasi va fela ku kholwa mawunwa; 1 Tih. 22:22; Ezek. 14:9; Mat. 24:5; Rom. 1:24; 1 Tim. 4:1

1 Johani 2:19

Va humele xikari ka hina, kanilezi va wa nga hi va hina; hakuva loku va wa hi va hina, ngha va simamisile zinwe na hina; kanilezi va lo huma kasi ku fela ku woneka lezaku vontlhe a hi va hina. Joh. 6:37; Miti. 20:30; 1 Kor. 11:19

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

1 Johani 4:4

Vana vanga, nwina mu va Nungungulu, mu hlulile a vaprofeti va mawunwa; hakuva loyi a nga ka nwina ngwa hombe a ku hunza loyi a nga laha tikweni. Joh. 14:30

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Valamuli 2:22

Nzi ta ringa ha wona va ka Israeli, kasi ku wona lezaku va ta hlayisa a ndlela ya Jehova va famba ha yona, khwatsi hi vararu vabye, kutani va nga ta zi maha.

1 Samueli 26:19

Makunu a hosi ya mina ngha yi ingisa a gezu ga nanza ga yona! Loku ku hi Jehova a ku kucetelako ku nzi hlongolisa, a amukele muphahlelo! Kanilezi loku va hi vanhu, a va rukatelwe mahlweni ka Jehova, hakuva va nzi hlongole va nzi beletela kuva ni xiavelo tshombeni ya Jehova, vaku: Famba u ya khozela vanwani vanungungulu.