Deuteronome 11:9 - Tshwa Bible

⁹ kasi ma fela ku anziselwa masiku ya nwina lomu ka misava leyi Jehova a hlambanyileko ka vararu va nwina a ku va nyika vona ni vazukulu vabye, a misava leyi yi khulungako a masi ni wulombe.

Deuteronome 11:9 ပူးပေါင်းရင်းမြစ်များ

Eksodusi 20:12

Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Mavingu 10:27

A ku chava Jehova ku engetela masiku; anilezi a malembe ya wa kubiha ma ta komaniswa.

Mavingu 3:16

A kuleha ka masiku ku le canjeni ga gona ga xinene, canjeni ga gona ga xibhabha ku na ni kupima ni wudzunzo.

Mavingu 3:2

Hakuva zi ta engetela masiku ya wena, i malembe ya kuhanya ka wena, zinwe ni kurula ka wena.

Mavingu 9:11

Hakuva a masiku ya wena ma enzelekiswa ha mina, i malembe ya wutomi ga wena ma ta engetelwa.

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 11:10

Hakuva a tiko legi u yako ka gona ku ya gi fumela, a gi fanani ni tiko ga le Gipite le mu humako ha kona, laha u nga wa byala a mbewu ya wena, u cheletela mati hi nkonzo wa wena, khwatsi hi xizunze.

Deuteronome 11:21

kasi a masiku ya nwina ni masiku ya vanana va nwina ma anza lomu tikweni legi Jehova a hlambanyileko ka vararu va nwina ku mu nyika gona ma ku khwatsi hi masiku ya tilo hehla ka misava.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

Deuteronome 5:16

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

Deuteronome 5:33

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

Deuteronome 6:18

U ta maha kululama ni zinene mahlweni ka Jehova kasi u tshameka, u kala uya enghena ka tiko lego go saseka, legi Jehova a hlambanyileko ka vararu va wena a kuva u ya gi fumela,

Deuteronome 6:2

kasi u fela ku chava Jehova Nungungulu wa wena, na u kari u hlayisa yontlhe milayo yakwe, ni zileletelo zakwe lezi nzi ku byelako; u ta zi hlayisa wontihe masiku ya wutomi ga wena, wena ni nʼwana wa wena, ni zukulu wa wena, kasi masiku ya wena ma ta anza.

Deuteronome 6:3

Zwana, O Israeli! u chivirika a ku maha lezi zilo, kasi wa tshameka, mu anza nguvu lomu tikweni legi gi khulungako masi ni wulombe, kota lezi Jehova Nungungulu wa vararu va wena a ku byelileko.

Deuteronome 8:7

Hakuva Jehova Nungungulu wa wena i ku heleketa ka tiko go saseka, a tiko ga micongo, ni ga tihlowo, ni ga mativa, ni ga zibuka, lezi a mati ya kona ma humako lomu minzhelelweni ni lomu zitsungeni;

Deuteronome 9:5

A ku engheni ku ti tekela a tiko gabye hi kota ya kululama ka wena ni wunene ga mbilu ya wena, kanilezi Jehova Nungungulu wa nwina i hlongola matiko lawa mahlweni ka wena hi kota ya kubiha ka wona, ni lezaku a fela ku tiyisa a gezu legi Jehova a hlambanyileko ka vararu va wena, Abrahama na Isaka na Jakobe.