Deuteronome 10:8 - Tshwa Bible

⁸ Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Deuteronome 10:8 ပူးပေါင်းရင်းမြစ်များ

1 Tihosi 8:6

Zonake a vapristi va lo enghenisa a arke ga xivumelwano xa Jehova lomu wutshanwini ga gona, lomu ka wutshamu go basabasa, hi lahasi ka tipapa ta makerubima. Ekso. 26:33

1 Kronekele 15:2

Zonake Davida i te ngalo: A nga kona a munhu a ta nga rwala a arke ga Nungungulu, loku ku nga hi va ka Levi, hakuva hi vona va hlawulweko hi Jehova a ku rwala a arke ga Nungungulu ni ku mu khozela kala kupinzuka. Mitse. 4:15

1 Kronekele 15:26

Laha Nungungulu a nga vunetela va ka Levi lava va rweleko a arke ga xivumelwano xa Jehova, va lo tlhava a 7 wa tikuzi ni 7 wa tihamba.

1 Kronekele 23:13

A vana va Amrama: Aroni, na Mosi. Aroni i lo hlayiwa tlhelweni, kasi a fela ku hlawulwa a kuva wa kubasa zinwe ni vanana vakwe kala kupinzuka, kasi va fela ku hisa tibani mahlweni ka Jehova, va mu khozela ni ku katekisa vanhu hi vito gakwe kala kupinzuka. Ekso. 6:20; Mitse. 6:23; Maheb. 5:4

1 Kronekele 23:26

hikwalaho a va ka Levi va nga ta ha rwala a tabemakeli ni zontlhe zibya za ku khozela ha zona.

2 Kronekele 29:11

Makunu vana vanga, mu nga mahi mihoni, hakuva Jehova i mu hlawule a ku yima mahlweni kakwe mu mu khozela, ni kuva malanza yakwe mu mu hisela tibani.

2 Kronekele 30:27

Zonake a vapristi va nga vaLevi, va lo suka va katekisa vanhu, ni gezu gabye gi lo ingiswa; a mukombelo wabye wu lo chikela wutshanwini ga Jehova go basa le tilweni.

Tisimu 134:1

Khesani Jehova, nwina nwentlhe malanza ya Jehova, Nwina lava mu yimako ndlwini ya Jehova ni wusiku. Ekso. 27:21; Levi 8:35; 1 Kro. 9:33

Tisimu 134:2

Tlakusani mawoko ya nwina wutshanwini gakwe go basa, Mu khesa Jehova. 1 Tim. 2:8

Tisimu 135:2

Nwina lava mu yimako ndlwini ya Jehova, Lomu tihubyeni ta yindlu ya Nungungulu wa hina.

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Ezekieli 44:11

va ta maha malanza ntsena wutshanwini ga mina ga kubasa, va rinzela a tinyangwa ta yindlu ni ku tira lomu ndlwini; va ta tlhava a minyikelo ya kuhiswa ni miphahlo ya vanhu, va ta yima mahlweni kabye va va tirela.

Ezekieli 44:15

Kanilezi a vapristi va ka Levi, va nga vana va Zadoke, lava va nga hlayisa a ntiro wa wutshamu ga mina ga kubasa, a xikhati lexi a vanana va ka Israeli va nga nzi fularele, va ta tshinela mahlweni ka mina a ku ta nzi tirela; va ta yima mahlweni ka mina va nzi humesela a mafura ni nkhata, ku wula Hosi Jehova.

Levi 8:9

I lo mu vekela ni xihuku laha hlokweni, le mahlweni ka xihuku i lo vekela a mubhodi wa nzalama, xi nga xidlodlo xo basa, kota lezi Jehova a leleteleko Mosi.

Levi 9:22

Zonake Aroni i lo tlakusa a mandla yakwe hehla ka vanhu a va katekisa. Laha a nga mbhetile a muphahlelo wa kuonha, ni muphahlelo wa kuhiswa, ni muphahlelo wa kurula, i lo relela hi le alatini.

Mitsengo 3:31

Lava va wa hlayisa a arke, ni meza, ni meza ya tikandiya, ni maalati, ni zibya za ntiro wa wutshamu ga kubasa, ni xisirelo, ni zontlhe zilo za koha.

Mitsengo 3:6

Tshineta a lixaka la ka Levi, u li yimisa mahlweni ka mupristi Aroni, kasi va ta mu vuna.

Mitsengo 4:15

Loku Aroni ni vana vakwe va mbhetile ku fenengeta a wutshamu ga kubasa ni zontlhe zibya za kona, a wugovelo gi ta andlamuka; zonake a vanana va ka Kohati va ta ta rwala. Kanilezi va nga ta zi khumba, hakuva zilo zi basileko, va ngafa. Lowu wu tava ntiro wa vanana va ka Kohati, a ku rwala a zibya za tenda ga mutlhangano.

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Mitiro 13:2

Na va kari va tira a ntiro wa Hosi, na va yila, a Moya wa ku Basa wu te ngalo: Nzi hambanyiseleni Barnabasi na Saule a ntirweni lowu nzi va viteleko wona. Efe. 3:7, 8; 1 Tim. 2:7

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

Va le Roma 12:7

loku munhu a nyikilwe a ntiro, ngha a chela kota ha wona; ni loyi a gonzisako, a chele kota hi kugonzisa kakwe; Gal. 6:6

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Va le Galatia 1:15

Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2

Deuteronome 17:12

A munhu loye a kanyisako, a nga ingisi mupristi loyi a yimisilweko ku khozela mahlweni ka Jehova Nungungulu wa wena, hambu ku ingisa mulamuli, a munhu loye i tafa. U ta susa lezi zo biha xikari ka vaIsraeli.

Deuteronome 18:5

hakuva Jehova Nungungulu wa wena i mu hlawulile xikari ka tinyangwa tontlhe ta wena a ku yima mahlweni kakwe ni ku tira a ntiro wa ku khozela hi vito ga Jehova, yena zinwe ni vana vakwe kala kupinzuka.

Deuteronome 21:3

Zonake a masingalakati ya muti lowu wu nga kusuhani nguvu ni loyi a delweko, ma ta teka a thokazi ga homu, legi gi nga tiriswangiko, legi go kala gi nga se rwala a muyoko.

Deuteronome 21:5

Ni vapristi, a vana va Levi, va ta tshinela kusuhani, hakuva hi vona lavo Jehova Nungungulu wa wena a va hlawulileko a ku tira ku khozela yena, ni ku katekisa hi vito ga Jehova; hikwalaho a milomu yabye yi ta lamula ni ku rulisa tontlhe timholova ni mahungu wontihe ya ku balesana tiphanja.

Deuteronome 31:9

Mosi i lo tsala a nayo lowu a wu nyika ka vapristi, a vana va ka Levi, lava va rwalako a nghaxa ya xivumelwano xa Jehova, ni ka wontihe masingalakati ya ka Israeli.