Deuteronome 10:5 - Tshwa Bible

⁵ Nzi lo tlhela nzi relela hi le xitsungeni, nzi ya veka a timbila lomu ka nghaxa leyi nzi nga wa yi mahile, ta ha tshamile kona khwatsi hi lezi Jehova a nzi leleteleko.

Deuteronome 10:5 ပူးပေါင်းရင်းမြစ်များ

Eksodusi 25:16

U ta veka lomu nghaxeni a Wumboni legi nzi ta nga ku nyika gona.

Eksodusi 25:21

U ta tlhateka a xitshamu xa wuxinji hehla ka arke, a nzeni ka gona u ta veka a Wumboni legi nzi ta nga ku nyika gona.

Eksodusi 32:15

Zonake Mosi i lo relela hi le xitsungeni, na khomile maribye mambiri ya milayo mandleni yakwe, na ma tsalilwe matlhelo mambiri, seno ni seno.

Eksodusi 34:28

Mosi i lo tshama na Jehova, 40 wa masiku ni 40 wa wusiku, na a ngagi zibaba ge hambu kunwa mati. Yena i lo tsala lomu ka maribye a timhaka ta xivumelwano, yi nga milayo ya khume.

Eksodusi 34:29

Zonake laha Mosi a nga relela hi le xitsungeni xa Sinai zinwe ni timbila timbiri ta milayo mandleni yakwe, i wa nga zi tivi lezaku a nghohe yakwe ya ngangamela hilezi a nga wa wulawula na Jehova. 2 Kor. 3:7

Eksodusi 40:20

Zonake i lo enghenisa a Wumboni lomu ka nghaxa, a enghenisa a, mipingo laha ka nghaxa; zonake i lo veka a xitshamu xa wuxinji le hehla ka yona.

Deuteronome 10:2

Nzi ta tsala lomo ka timbila leti a timhaka leti ti nga wa hi lomu ka leti to ranga leti u ti layileko, kasi u fela ku ti veka lomu ka nghaxa. Ekso. 25:16, 21; 32:19

Deuteronome 9:15

Nzi lo tlhela nzi relela hi le xitsungeni, a xitsunga xontlhe na xi vura hi nzilo; nzi wa hi ni timbila leti timbiri ta xivumelwano lomu mandleni ya mina.

Joxua 4:9

Na Joxua i lo yimisa 12 wa maribye lomu xikari ka Jordani, laha ku nga wa yimile mikonzo ya vapristi lava va rweleko a nghaxa ya xivumelwano, na wona ma kona laho kala inyamutlha.