Deuteronome 1:2 - Tshwa Bible

² Kusukela Horebe ku famba hi ndlela ya xitsunga xa Seire i mpfhuka wa 11 wa masiku ku chikela le Kadexe-Barnea.

Deuteronome 1:2 ပူးပေါင်းရင်းမြစ်များ

Genesisi 32:3

Jakobe i lo rumela mitsumi mahlweni kakwe a kuya ka Esau nakulobye le tikweni ga Seire, tikweni ga le Edomi.

Eksodusi 17:6

Languta, nzi ta yima mahlweni ka wena lahaya ribyeni ga Horebe; u taba ribye, zonake gi ta humesa mati; va tanwa vanhu. Mosi i lo maha lezo mahlweni ka masingalakati ya ya ka Israeli. Mitse. 20:11; Isa. 48:21; 1 Kor. 10:4

Eksodusi 3:1

Mosi i wa risa tiyivu ta Jetro muxade wakwe, mupristi wa le Midiani. I lo gula a tlhambi aya tlhelo ga le xiwuleni, a ya chikela xitsungeni xa Nungungulu le Horebe.

Levi 2:14

Loku u nyikela ka Jehova a munyikelo wa mihanzu yo ranga, u ta nyikela miponwani yiswa leyi yi wocilweko nzilweni, na yi hi miponwani yi nene leʼyi tlokolilweko.

Levi 9:23

Zonake Mosi na Aroni va lo enghena lomu ka tabemakeli ga mutlhangano, zonake va huma, va katekisa a vanhu; ni kungangamela ka Jehova ku lo woneka ka vanhu vontlhe.

Mitsengo 13:26

Zonake va lo ya chikela ka Mosi na Aroni, ni tlhangano wontihe wa vanana va ka Israeli le xiwuleni xa Parani, kusuhani ni Kadexe. Va lo bika a mahungu ka tlhangano wontihe, va va kombisa a mihanzu ya tiko.

Mitsengo 32:8

Hi zalezo va nga maha vararu va nwina xikhati lexo nzi nga va ruma na hi hi le Kadexa-Barnea a kuya hlola tiko.

Deuteronome 1:19

Loku hi sukile le Horebe, hi tsemakanya xontlhe xiwula lexi xa hombe xo tshisa, lexi mu xi wonileko; hi famba hi ndlela ya xitsunga xa maAmori, kota lezi Jehova Nungungulu wa hina a hi leleteleko, kala hi chikela Kadexe-Barnea.

Deuteronome 1:44

Zonake a vaAmori lava va akileko ka lexo xitsunga, va lo huma va talwa na nwina, va mu hlongola kota tinyoxi ti tsutsumisako vanhu, va mu hlasela le Seire kala le Horma.

Deuteronome 2:1

Zonake loku hi tlhelile hiya xiwuleni hi ndlela ya Bimbi go Pswhuka, khwatsi hi lezi Jehova a wulileko ka mina, hi lo renzelekela masiku yo tala xitsunga xa Seire. Mitse. 14:25; 21:4; Deut. 1:40; Vala. 11:18

Deuteronome 2:4

U ta leletela vanhu, uku: Mu ta tsemakanya a tiko ga vamakabye va nwina, a vanana va Esau, lava va akileko Seire; na vona va ta mu chava. Kanilezi ti woneleni,

Deuteronome 2:8

Zonake hi lo hunza, hi va siya tlhelweni vamakabye va hina, a vanana va Esau, lava va akileko Seire, hi ndlela ya nzhelelo wa le Elate ni Ezioni-Gebera. Zonake hi lo hunza hi ndlela ya xiwula xa Moabi.

Deuteronome 9:23

Ni loku Jehova a mu rumile na mu hi le Kadexe-Barnea, aku: Kanzihani mu ya teka a tiko legi nzi mu nyikileko gona; nwina mu lo ala kuleletela ka Jehova Nungungulu wa nwina; a mu vumelangi, mu lo kaneta a gezu gakwe.

Joxua 14:6

Zonake a vanana va ka Juda va lo tshinela ka Joxua le Gilgale, na Kalebi nʼwana Jefuna a muKenezi, i te ngalo ka yena: Wena wa zi tiva lezi Jehova a wulileko ka Mosi, a munhu wa Nungungulu, xungetano ha mina, ni xungetano ha wena le Kadexi-Barnea.