Amosi 7:17 - Tshwa Bible

¹⁷ Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24

Amosi 7:17 ပူးပေါင်းရင်းမြစ်များ

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

Tisimu 78:55

I lo hlongola a vamatiko mahlweni kabye, A va avanyisela a tshomba yabye hi lipimo, A akisa a tixaka ta ka Israeli matendeni yabye.

Isaya 13:16

A zihlangi zabye zi ta pswhandlasiwa mahlweni kabye, A tiyindlu tabye ti ta phangiwa, ni vasati vabye va gohiwa.

Isaya 22:18

i ta ku hoxa u wumbulukela kukotisa a bhola tikweni gi anamileko; u ta fela laho, ni tikareta ta wena to saseka ti ta gumelwa kwalaho, wena u nga tingana ta yindlu ya hosi ya wena.

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 20:6

Na wena Paxuri, ni vontlhe va tshamako ndlwini ya wena mu ta yiswa kukhonweni. Wena u taya Babuloni, laho u ta fela kona, ni ku lahlelwa kona zinwe ni maxaka ya wena wontihe, lawo u nga ma profetela mawunwa,

Jeremia 28:12

Zonake a mhaka ya Jehova yi lota ka Jeremia, anzhako kakuva muprofeti Hanania a tshoveletele a muyoko nhanwini ya muprofeti Jeremia, yiku:

Jeremia 28:16

Hikwalaho Jehova i ngalo: Nzi ta ku susa misaveni; u tafa hi lembe gwalegi, hakuva u kanele kuhluwuka u vukela Jehova.

Jeremia 29:21

Jehova wa tiyimpi, a Nungungulu wa Israeli i ngalo xungetano ha Ahabi a nʼwana Kolaya, na Zedekia a nʼwana Maaseya, lava va mu profetelako mawunwa vitweni ga mina: Langata, nzi ta va nyikela canjeni ga Nebukadnezzare, hosi ya Babuloni; yena i ta va daya mahlweni ka nwina.

Jeremia 29:25

Jehova wa tiyimpi, a Nungungulu wa Israeli, ngalo: Kotisa lezi u rumeleko a mapapilo vitweni ga wena a ka vanhu vontlhe va nga le Jerusalema, ni ka Zefania, a nʼwana Maaseya mupristi, ni ka vontlhe vapristi, uku:

Mikosi 5:11

Va pfinyele vavasati le Zioni, Ni vanhwana lomu mitini ya ka Juda.

Ezekieli 4:13

Jehova a engeta aku: A vana va ka Israeli va ta gisa lezo a zibaba zi nyenyezileko a matikweni lawa nzi ta nga va hlongolela kona.

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Amosi 6:7

Makunu va taya wukhumbini va rangela vanwani va yiswako kona, ku mbheta a kupolomba ka lava va nga wa ti nawula.

Amosi 7:11

Hakuva Amosi i ngalo: Jeroboamu i ta dawa hi supado, na Israeli i ta humeswa tikweni gakwe aya wukhumbini.

Amosi 8:1

Hosi Jehova i nzi kombisile lezi: Nzi lo wona a xirunzu na xi tele hi mihanzu yi buvileko.

Amosi 9:1

Nzi lo wona Hosi na yi yimile kusuhani ni alati, yiku ngalo: Bana tihloko ta timhanze, kasi a zipimbitsi za tinyangwa zi tsekatseka, u zi fayela hehla ka tihloko ta lava va nga kona lomo; lava va ta nga sala nzi ta va daya hi supado, ku nga ta tsutsuma ni munwe hambu ku pona.

Amosi 9:8

Langutani, a mahlo ya Hosi Jehova ma honokela a mufumo lowu wa kuonha, nzi ta wu lovisa nghoheni ya misava; ntsena lezaku a yindlu ya ka Jakobe nzi nga ta yi lovisela magumo, ku wula Jehova.

Mika 1:16

Halula misisi, halulela a vanana va wena va ranzekako, halula a hloko ya wena yi fanana ni ya koti, hakuva va yiswa wukhumbini kule na wena.

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.