Amosi 5:18 - Tshwa Bible

¹⁸ I khombo ka nwina mu navelako a siku ga Jehova! Mu gi navelela yini a siku ga Jehova? Gi tava ga munyama, gi nga tava ga kuwonekela.

Amosi 5:18 ပူးပေါင်းရင်းမြစ်များ

Isaya 13:6

Huwelelani, hakuva a siku ga Jehova gi tshinele, Gita kota lobyiselelo hi ka Nyamintamo.

Isaya 24:18

Loyi a ta nga tsutsuma hi kota ya chawo, i ta wela rinzini; ni loyi a ta nga huma rinzini, i ta phasiswa hi ziyo. Hakuva a tinjhanela ta le hehla ti vululekile, ni ziseketelo za misava za tsekatseka. Gen. 7:11; Am. 5:19

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 17:15

Languta, va wula ka mina, vaku: Yi kwihi a mhaka ya Jehova ke? A yi tatiseke makunu! Ezek. 12:22; 2 Ped. 3:4

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Ezekieli 12:22

Nʼwana wa munhu, i vingu ga kuyini legi mu nga nago lomu tikweni ga ka Israeli, gaku: A masiku ma hunza, kasi a ziprofeto a zi tatiseki. 2 Ped. 3:4

Ezekieli 12:27

Nʼwana wa munhu, a va yindlu ya ka Israeli ve ngalo: A muwoniso lowu a wu wonako wa komba masiku ya le kule, i profeta hi xikhati xa hiko kule.

Joeli 1:15

Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.

Joeli 2:10

A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Obadia 1:15

Hakuva a siku ga Jehova gi tshinele ka wontlhe matiko. Lezi u zi mahileko zi ta mahiwa ka wena; a zimaho za wena zi ta wuyela hlokweni ya wena nwinyi.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Deuteronome 32:24

Va ta choma hi ndlala, va giwa hi kuhisa ka miri Ni ntungu lowu wo karata nguvu; Nzi ta va rumela a meno ya zivanza, Ni wuxungu ga zikokakoka za lomu tshurini.

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

2 Pedro 3:4

vaku: Hi kwihi a kuwuya kakwe ku tsumbisilweko ke? Hakuva cima ka lezi vadadani va nga etlela, zontlhe za ha tshamisile zalezo zi nga tshamisile zona hi le kusanguleni ka kuvangiwa.