Amosi 3:15 - Tshwa Bible

¹⁵ Nzi ta khungumula a yindlu ya wuxika ni yindlu ya ximumu, a tiyindlu leti ti bombisilweko hi timhonzo ta tindlovu ti ta fuva, ku ta fuviswa tiyindlu tinyingi, ku wula Jehova. 1 Tih. 22:39; Jer. 36:22

Amosi 3:15 ပူးပေါင်းရင်းမြစ်များ

1 Tihosi 22:39

A timhaka tinwani ta Ahabi ni zontlhe lezi a zi mahileko, ni yindlu ya timhonzo ta tindlovu leyi a nga wa akile, ni yontlhe a miti leyi a nga wa akile, zi tsalilwe lomu bhukwini ga Matimu ya tihosi ta ka Israeli.

Tisimu 45:8

Tontlhe a tinguwo ta wena ti nuhela a mure, ni mubandwa, ni mpepo; Va ku tsakisa hi zitende hi lomu tindlwini ti akilweko hi timhonzo ta tindlovu.

Isaya 5:9

Jehova wa tiyimpi i wulile tindleveni ta mina, aku: Hizinene, a tiyindlu tinyingi ti ta hahluka, A tiyindlu to saseka ni ta hombe ti ta vumala vanhu.

Jeremia 36:22

A hosi yi wa tshamile ndlwini ya wuxika, hakuva yi wa hi hweti ya wuntlhanu ni mune; ku wa hi ni nzilo lomu ka mbawula mahlweni kakwe.

Amosi 2:5

Kanilezi nzi ta rumela a nzilo hehla ka Juda, wu ta hisa a ziluvelo za Jerusalema.

Amosi 3:11

Hikwalaho Hosi Jehova i ngalo: Ku tata valala va ta ranzela tiko, va ta khungumula a khokhola ga wena, va phanga a ziluvelo za wena.

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Amosi 6:11

Hakuva Jehova wa leletela; a yindlu ya hombe yi ta khungumulwa yi maha marumbi, a xiyinalwana xi ta fayetelwa.

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.

Valamuli 3:20

Ehudi i lo enghena lomu a nga wa tshamile yece, lomu ndlwini yo pepemela aku kakwe: Nzi ku nehela mahungu ya Nungungulu. Egloni i lo suka xitshanwini xakwe a yima.