2 Timote 4:8 - Tshwa Bible

⁸ Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

2 Timote 4:8 ပူးပေါင်းရင်းမြစ်များ

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Tisimu 7:11

Nungungulu mulamuli a lulamileko, I zangara siku ni siku.

Mavingu 4:9

Gi ta bombisa a hloko ya wena hi wumbhuri, i ta ku ambexa xidlodlo xa wudumo.

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Mateu 24:36

Kanilezi lego siku ni lexo xikhati a ku na munhu a zi tivako,, hambu tingelosi ta tilo, hambu ni Nʼwana, sine Dadani yece. Miti. 1:7; 2 Ped. 3:10

Mateu 7:22

A vanyingi va taku ka mina hi lego siku: Hosi, Hosi, a hi profetangi hi vito ga wena ke; hi vito ga wena a hi hlongolangi madimoni ke; a hi mahangi zirewukiso zo tala hi vito ga wenake? Joh. 11:51; 1 Kor. 13:2

Luka 10:12

Nziku ka nwina: Hi lego siku ku ta hehuka ka Sodoma, ku hunza ka lowo muti.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 8:23

Na ku nga hi lezo ntsena, kanilezi na hinawu, lava hi nga ni mbhanzu wo ranga wa Moya, hina kambe ha keta moyeni na hi kari hi rinzela a ku mahiwa vana, lezo hiku ngalo, a kutirulwa ka miri wa hina. Lu. 20:36; 2 Kor. 5:5

1 Va le Korinte 2:9

Kanilezi hi kanela kota lezi ku tsalilweko ku ngalo: A zilo lezi zi nga woniwangiko hi tihlo, ni ndleve yi nga zi zwangiko, Lezi zi nga alakanyiwiko mbilwini ya munhu, Zalezo Nungungulu i zi longisele vona lava va mu ranzako. Isa. 64:4

1 Va le Korinte 3:13

a ntiro wa munwe ni munwani wu ta wonekeliswa kubaseni, hakuva a Siku lego gi ta wu kombisa, wu ta wonekeliswa hi nzilo; a nzilo wu ta hlola a ntiro wa munwe ni munwani lezaku ngwa lixaka muni. 1 Ped. 1:7

1 Va le Korinte 9:25

Vontlhe vanhu va palisanako va ti khoma ka zilo zontlhe. Makunu va maha lezo kasi ku kuma a xidlodlo lexi xi bolako, kanilezi hina hi tirela a xidlodlo lexi xi nga boliko. 1 Tim. 6:12; 2 Tim. 1:5; Jak. 1:12

2 Va le Korinte 5:2

Hakuva hakunene ha keta hi kunavela lezaku hi ambala a yindlu ya hina ya le tilweni; Rom. 8:23

Va le Filipi 3:11

lezaku kumbe xana nzi nga chikela a kuvukeni ka vafileko. Miti. 26:7

Va le Kolosi 1:5

hi keta ya kutsumba loku ku vekelweko nwina le matilweni. Kale na mu zwile hi kutsumba loku a mhakeni ya zinene ya ivangeli, Mat. 5:12; 2 Tim. 4:8; 1 Ped. 1:4

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

1 Va le Tesalonika 5:4

Kanilezi nwina, vamakabye, a mu le munyameni, ko kala lego siku gi mu juma khwatsi i khamba. 1 Joh. 2:8

2 Va le Tesalonika 2:8

Zonake i ta wonekeliswa a xihunza-milayo, loyi Hosi Jesu a ta nga mu daya hi xikuhe xa nomu wakwe, a mu lovisa hi kuwonekeliswa ka kuwuya kakwe. Joba 4:9; Isa. 11:4; Dan. 7:10; Maheb. 10:27; Kuv. 2:16

1 Timote 6:19

lezaku va ti veketela a tshomba leyi yi ta ngava a xiseketelo xi nene a xikhatini xa ha tako, lezaku va fela ku kuma wutomi legi gi nga wutomi hizinene.

2 Timote 1:10

kanilezi makunu ti wonekelisilwe hi kuwoneka ka Muhanyisi wa hina Kristu Jesu, loyi a nga hetisa kufa, a wonekelisa a wutomi ni kungafi hi ivangeli, 1 Kor. 15:54; Efe. 1:9; Kol. 1:26; 1 Ped. 1:20

2 Timote 1:12

Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19

2 Timote 1:18

Ngha Hosi yi mu vumela lezaku a kuma wuxinji mahlweni ka Hosi a ka siku lego. Lezi a nga nzi vuna ha zona le Efesusi, wena wa zi tiva khwatsi Mat. 25:34; 2 Tes. 1:10; Maheb. 6:10

2 Timote 2:5

Kambe loku a munhu a palisana kuhlakaneni, a nga nyikwi xidlodlo ahandle ka loku a dawule hi nayo.

2 Timote 4:1

Nza ku hlambanyisa mahlweni ka Nungungulu, ni ka Kristu Jesu, loyi a ta nga lamula a vahanyako ni vafileko, na hi kuwoneka kakwe ni mufumo wakwe, nziku:

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Maheberu 12:11

A kutsayisa kontlhe a ku woneki makunu na ku tsakisa, kanilezi ka xanisa; hambu zi hi tano anzhako ka xikhati ku pswala a mihanzu ya kurula ka vona lava va wundlilweko ha kona, a mhbanzo wa kululama. Jak. 3:18

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

1 Pedro 1:4

lezaku hiva ni tshomba leyi yi nga boliko, yi nga hiko na zivi, leyi yi nga wuniko, yi vekelweko nwina le tilweni, Kol. 1:5; 2 Tim. 4:8

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 22:20

Loyi a nga kustumunyu wa timhaka leti i ngalo: Ina, nzata lokuloku. Amen! Tana Hosi Jesu! 2 Tim. 4:8

Kuvululelwa 4:10

zonake a manghanakana ya 24 a mawa lahasi mahlweni ka loyi a tshamileko xitshanwini xa wuhosi, ma dumisa loyi a hanyako kala kupinzuka ni kupinzuka, ma rula a zidlodlo za wona mahlweni ka xitshamu xa wuhosi, maku: Xip. 5:8, 14

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.