2 Timote 2:5 - Tshwa Bible

⁵ Kambe loku a munhu a palisana kuhlakaneni, a nga nyikwi xidlodlo ahandle ka loku a dawule hi nayo.

2 Timote 2:5 ပူးပေါင်းရင်းမြစ်များ

Luka 13:24

Kurumetani ku enghena hi nyangwa yi hlongileko; hakuva nziku ka nwina: Mbanyingi va ta nga ringa ku enghena, kanilezi va ta tsanzeka. Mat. 7:13; Rom. 9:31

Va le Filipi 1:15

Hakunene a vanwani va kanela Kristu hi wukhuxu ni kukanetana; kanilezi vanwani va kanela hi kuranza ku nene. Xip. 2:3

Va le Kolosi 1:29

Hizalezo nzi tirelako zona mina, na nzilwa khwatsi hi kutira ka ntamu wakwe lowu wu tirako nguvu ka mina.

Maheberu 12:4

Nwina a mu se ngalwa ni kuonha kala ku huma nkhata, 1 Kor. 10:13

Maheberu 2:7

Hakuva wena u mu mahile ava lahasi ka tingelosi ka xikhatanyana, Zonake u mu bombisile hi kungangamela ni wudzunzo, U mu veka hehla ka mitiro ya mandla ya wena; Wena u vekile zilo zontlhe lahasi ka mikonzo yakwe.

Maheberu 2:9

Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 3:11

Nzata lokuloku; khomisisa lezi u nga nazo, kasi u nga tekelwi a xidlodlo xa wena. Fil. 4:5; Xip. 2:25

Kuvululelwa 4:10

zonake a manghanakana ya 24 a mawa lahasi mahlweni ka loyi a tshamileko xitshanwini xa wuhosi, ma dumisa loyi a hanyako kala kupinzuka ni kupinzuka, ma rula a zidlodlo za wona mahlweni ka xitshamu xa wuhosi, maku: Xip. 5:8, 14

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.