2 Tihosi 8:9 - Tshwa Bible

⁹ Zinghaho Hazaeli i lo ya wonana naye; i lo teka zontlhe zo saseka za le Damasku zi ringanako ku rwaliwa hi 40 wa makameli; i lo ya chikela a yima mahlweni kakwe, aku: Nʼwana wa wena Ben-Hadade a hosi ya le Siria i nzi rumile ka wena a ku ta ku wutisa lezaku: Xana nzi ta kalamuka ka legi wubabyi ke?

2 Tihosi 8:9 ပူးပေါင်းရင်းမြစ်များ

1 Tihosi 14:3

Teka a khume ga zibaba ni zikhekhetselo ni nghotso ya wulombe uya kakwe, i ta ya ku byela lezi zi ta nga maheka ka nwanana loyi.

1 Tihosi 15:18

Zonake Asa i lo teka yontlhe a siliva ni nzalama yontlhe leyi yi nga wa sele lomu ka mabako ya yindlu ya Jehova, ni titshomba ta yindlu ya hosi a zi nyikela mandleni ya malanza yakwe, a ma rumela a kuya ka Ben-hadade a nʼwana Tabrimmone wa Hezroni, a hosi ya le Siria leyi yi nga wa akile le Damasku, aku kakwe:

1 Tihosi 19:15

Jehova i te ngalo kakwe: Tlhela u famba hi ndlela ya xiwula, u ta ya chikela le Damasku, u enghena u tota Hazaeli a kuva hosi ya Siria;

2 Tihosi 1:2

Ahazia i lowa hi laha njhaneleni ya yindlu yakwe le xitezi, leyi yi nga wa hi le Samaria; i lo babya. Zonake i lo rumela a mitsumi aku ka yona: Fambani mu ya wutisa ka Baali-Zebuba, a nungungulu wa va le Ekroni, kasi nza fela ku tiva lezaku xana nzi ta hanya ka wubabyi legi.

2 Tihosi 13:14

Elixa i lo babya a wubabyi legi a ngafa ha gona; Joaxi a hosi ya ka Israeli i lo relela aya kakwe, a rila nghoheni yakwe, aku: Dada, dada! wena u nga tikareta ta ka Israeli ni vakhileli va tona!

2 Tihosi 16:7

Zonake Ahaza i lo rumela mitsumi ka Tiglate-Pilesera a hosi ya le Asiria, aku kakwe: Mina nzi nanza ga wena tlhelo nʼwana wa wena. Kanziha u ta nzi hlanguta mandleni ya hosi ya le Siria ni mandleni ya hosi ya ka Israeli, a tihosi ti tileko ku ta nzi vukela.

2 Tihosi 5:13

Kanilezi a malanza yakwe ma lo tshinela kusuhani kakwe, maku: Dada, loku muprofeti a wa ku byelile a xilo xo binza, ngha u nga xi mahi ke? Makunu loku a ku byelile ku ngalo hlamba u ta hlazeka, a ku faneli a kuva u zi maha lezo ke?

2 Tihosi 5:5

A hosi ya le Siria yi te ngalo: Suka u famba, nzi ta rumela a papilo ka hosi ya ka Israeli. I lo suka a teka a 10 wa titalenta ta siliva, ni 6,000 wa maxekeli ya nzalama, ni 10 wa tinguwo to saseka.

2 Tihosi 6:21

Laha a hosi ya ka Israeli yi nga va wona, yi te ngalo ka Elixa: Dada, nzi va daya ke? Nzi va daya ke?

Mutshawuteli 3:6

a xikhati xa ku lava, ni xikhati xa ku lahlekelwa; a xikhati xa ku hlayisa, ni xikhati xa ku cukumeta;

Filemoni 1:14

Kanilezi nzi wa nga ranzi ku maha nchumu a handle ka ku vumelwa hi wena; kasi a wunene ga wena gi nga hi ga kukurumetwa, kanilezi giva ga kuranza ku tlhatlhekileko. 2 Kor. 9:7

1 Samueli 25:8

Wutisa malanza ya wena ma ta ku byela. Hikwalaho ngha majaha lawa ma kuma thomo mahlweni ka wena, kota lezi hi tako hi siku gi nene. Nyika malanza ya wena ni nʼwana wa wena Davida lezo u ta nga zi kuma lomu canjeni ga wena.

1 Samueli 9:7

Saule i te ngalo ka nanza gakwe: Hi zona; kanilezi loku hiya ka munhu wa kona, hi ta famba na yini ke? Hakuva a hi na zibaba lomu mikwameni ya hina, ni kambe a hi na munyikelo wa ku ya nyikela ka munhu loye wa Nungungulu. Xini hi nga naxo? 1 Tih. 14:3; 2 Tih. 4:42