2 Tihosi 8:4 - Tshwa Bible

⁴ Makunu a hosi yi wa wulawula na Gehazi, a nanza ga munhu wa Nungungulu, yiku: Wa nga nzi byela yontlhe mitiro ya hombe leyi Elixa a nga yi maha!

2 Tihosi 8:4 ပူးပေါင်းရင်းမြစ်များ

2 Tihosi 2:14

I lo teka a nguwo ya Elija, leyi a nga wa yi siyile, aba ha yona a mati, aku: I kwihi Jehova Nungungulu wa Elija? Zalezo yenawu i loba a mati, ma si avanyeka maya seno ni seno; Elixa a tlhatuka.

2 Tihosi 2:24

I lo hunzuluka a va cuwuka, a va rukatela vitweni ga Jehova. Ku lo huma maurso mambiri hi lomu khwatini ma pfhemula 42 wa vafana xikari kabye,

2 Tihosi 4:12

1 te ngalo ka nanza gakwe Gehazi: Vitana wasati loyi wa muXuname. I lo ya mu vitana; a wasati a ta yima mahlweni kakwe.

2 Tihosi 4:25

Zinghaho i lo suka aya ka munhu wa Nungungulu le xitsungeni xa Karmeli. Makunu laha a munhu wa Nungungulu a nga mu wonile na ha hi kule, i te ngalo ka Gehazi, a nanza gakwe: Hi gaya a wasati wa muXuname!

2 Tihosi 5:14

Zonake Namani i lo relela a ya ti peta 7 wa zikhati le Jordani, khwatsi hi kuwula ka munhu wa Nungungulu; zonake a nyama yakwe yi lo hola yi fanana ni nyama ya xihlangana, a hlazeka. Lu. 4:27

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

2 Tihosi 6:6

A munhu wa Nungungulu i te ngalo: Xi wele kwihi? I lo komba Elixa. Elixa a tsema a linhi a li hoxa kwalaho, a xihloka xi si deluka.

2 Tihosi 7:1

Elixa i te ngalo: Zwanani nwina a mhaka ya Jehova! Jehova i ngalo: Manziko hi xwalexi xikhati, a Xipimo xinwe xa mapa yo saseka xi ta xabyiwa hi xekeli, ni zipimo zimbiri za sevada zi ta xabyiwa hi xekeli lomu tinyangweni ta Samaria. Levi 13:46

2 Tihosi 7:10

Zinghaho va lo ya vitana a murinzeli wa muti, va mu tivisa vaku: Hi enghenile lomu wugovelweni ga maSiria, kanilezi a hi kumangi munhu hambu ni kuzwa a gezu ga munhu, ntsena a mahaxi ni timbongola ti bohilweko, ni matenda ma wa siyisihve zalezo.

2 Tihosi 7:3

Makunu laha nyangweni ya muti ku wa hi kona mune wa vanhu va hlokonho; va wa wutisana vaku: Hi ta tshama kwalaha kala hifa ke?

2 Tihosi 8:3

Na ku hunzile 7 wa malembe, a wasati i lo wuya hi le tikweni ga vaFilistia aya le hosini a ya kombela a yindlu yakwe ni masimu yakwe.

Mateu 2:8

I lo va rumela Betlehema, aku ngalo: Fambani mu ya lavisisa khwatsi a nwanana loyi; loku mu mu kumile, mu ta nzi tivisa, kasi na minawu nzi ya mu khozela.

Luka 23:8

Laha Herodi a nga mu wona Jesu; i lo tsaka nguvu; hakuva i wa xuvile hi kale a ku mu wona, hilezi i wa zwile ba yena; i lo tsumba ku wona xirewukiso na xi mahiwa hi yena. Mat. 14:1; Mar. 6:14; Xip. 9:9

Luka 9:9

Herodi i te ngalo: Johani nzi mu tsemile hloko; kanilezi himani loyi nzi zwako ha yena a za kunghahi? I wa lava a ku mu wona, Xip. 23:8

Johani 9:27

I lo va hlamula, aku: Lezi nzi sinako nzi mu byelile, a mu zwangi; hikuyini mu lavako ku zizwa kambe ke? Nwinawu mu ranza ku maha vapizani vakwe ke?

Mitiro 24:24

Kanilezi anzhako ka masiku yo kari, ku lota Felisi ni sati wakwe Drusila, loyi a nga hi muJuda, i lo vitana Paule, a kuva a ta muzwa hi kukholwa ka Kristu Jesu.