2 Tihosi 7:6 - Tshwa Bible

⁶ Hakuva Jehova i wa zwatisile le wugovelweni ga maSiria a guwa ga tikareta, ni ga mahaxi, ni ga yimpi ya hombe; zonake vaku ka munwe ni munwani: A hosi ya ka Israeli yi hi rambele a tihosi ta vaHiti ni ta vaGipite a ku ta hi hlasela. Isa. 13:4

2 Tihosi 7:6 ပူးပေါင်းရင်းမြစ်များ

2 Samueli 10:6

Kanilezi a vanana va ka Amoni va lo wona lezaku va vangile livengo ka Davida; zonake va lo rumisa a kuva ku rambiwa 20,000 wa maSiria ya le Bete-Rehoba, ni maSiria ya le Zoba; a hosi ya le Maaka leyi yi nga wa hi ni 1,000 wa vavanuna, ni vanana va Toba va wa hi 12,000 wa vavanuna.

2 Samueli 5:24

Makunu laha u ta ngazwa a guwa ga kufamba le hehla ka tisinya ta timora, u ta huma hi ntamu, hakuva xikhatini xwalexo Jehova i mu rangele mahlweni ku ya hlasela tiyimpi ta vaFilistia.

1 Tihosi 10:29

a kareta yinwe ni yinwani yi ngata hi le Gipite yi lo vitana 600 wa maxekeli, ni mahaxi ma wa hi 150 wa maxekeli kada ginwe; va wa neha zona ni ka tihosi tontlhe ta maHiti ni ka tihosi ta le Siria.

1 Tihosi 20:20

Loyi ni loyi i lo daya munhu, zonake a maSiria ma lo tsutsuma, ni va ka Israeli va lo va hlongolisa. Ben-Hadade a hosi ya Siria i lo tsutsuma hi haxi zinwe ni vakhileli va mahaxi.

2 Tihosi 19:7

Mina nzi ta enghenisa ka yena munwani moya, lezaku laha a ta ngazwa mahungu yo kari i ta tlhelela tikweni gakwe; nzi ta mu wisa hi tlhari lomu tikweni gakwe.

2 Tihosi 7:5

Va lo suka laha gambyeni va ya enghena lomu wugovelweni ga maSiria; laha va nga chikela laha nyangweni ya wugovelo, languta, ku wa nga hi na munhu.

Joba 15:21

A guwa ga kuchaviseka ga zwala tindleveni ta yena; Hambu loku ku rulile a mulovisi i ta wela hehla kakwe. Levi 26:36; Deut. 28:65

Tisimu 14:5

Va wa hi ni kuchava ka hombe lomo; Hakuva Nungungulu i lomu zizukulwaneni xa valulamileko.

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 36:9

U nga hlulisa kuyini wena ni yinwe ya tinduna leʼti tsongwani ta hosi ya mina? U tsumba Gipite lezaku u ta kuma kona tikareta ni vakhileli va mahaxi ke?

Jeremia 46:21

A masochwa yakwe lomu tikweni gakwe Me khwatsi marole ma nonileko; Hakuva vonawu va tlhela nzhako va tsutsuma zinwe, A va yimangi; Hakuva a siku gabye ga makhombo ga va tela, A xikhati xa kutsayiswa kabye.

Ezekieli 1:24

Laha zi nga wa famba nzi lozwa a guwa ga tipapa ta zona, gi fanana ni guwa ga mati ya hombe, kukotisa a gezu ga Nyamintamu, a huwa ya yimpi. Loku zi yima zi wa dzeleta a tipapa ta zona lahasi.

Ezekieli 10:5

A guwa ga tipapa ta makerubima gi lo zwala ni lomu hubyeni ya le handle, giku khwatsi i gezu ga Nungungulu ga Nyamintamu loku a wulawula.

Kuvululelwa 9:9

Yi wa hi ni zikatawu za xiketse laha zifuveni; a guwa ga tipapa ta yona gi wa kotisa guwa ga tikareta, ga mahaxi manyingi ma tsutsumelako kulweni. Joeli 2:5-7

Valamuli 7:21

Va lo yima, munwe ni munwani wutshanwini gakwe, va ranzela a wugovelo. Vontlhe lava va nga wa hi lomu wugovelweni va lo sangula ku tsutsuma va ya ti chela seno ni seno, na vaba huwa, va pfowola.

1 Samueli 14:15

Ku wa hi ni nchavo ni kururumela lomu magovelweni ni lomu tikweni ni xikari ka vanhu vontlhe va tiko. A vavanuna va mabutho ni lava va nga wa fambile ku ya phanga, va lo rurumela hi ku chava na vonawu; ni misava yi lo tsekatsekiswa. Ku wa hi ni kuchaveka ka hombe ku tileko hi ka Nungungulu. Gen. 35:5; Ekso. 14:24

1 Samueli 26:6

Zonake Davida i lo wulawula na Ahimeleki a muHiti, na Abixai nʼwana Zerua a nakulobye wa Joabe, aku kabye: Himani a ta nga famba na mina le wugovelweni ga Saule? Abixai i te ngalo: Mina nzi ta famba na wena.