2 Tihosi 7:2 - Tshwa Bible

² Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

2 Tihosi 7:2 ပူးပေါင်းရင်းမြစ်များ

Genesisi 7:11

Hi lembe ga wu 600 ya kuhanya ka Noa, hi hweti ya wumbiri, hi siku ga wuntlhanu ni mambiri, hi siku lego a zibuka zontlhe za kueta loku ka hombe zi lo vululeka, ni tinyangwa ta tilo ti lo vululeka, Joba 38:16

2 Tihosi 5:18

Kambe Jehova a rivalele a nanza ga wena, loku a hosi ya mina yi enghena lomu ndlwini ka Rimoni a ku ya khizama kona, ni kuva a khegela wokweni ga mina, nzi kala mina nzi khizama lomu ndlwini ya Rimoni; ngha Jehova a rivalele a nanza ga wena loku nzi ya khizama lomu ndlwini ya Rimoni.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

Tisimu 78:41

Ina, va lo engeta va ringa Nungungulu, Va tsanwisa Wakubasa wa Israeli.

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Mitsengo 11:13

Nzi ta yi kuma kwihi a nyama ya ku nyika lava vanhu ke? Hakuva vo nzi rilela, vaku ka mina: Hi nyike nyama, higa.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Va le Roma 3:3

Hakuva zi na ni yini loku vanwani va vona va nga kholwangi ke? A kungakholwi kabye ku ta maha kutsumbeka ka Nungungulu ku nga tiri nchumu ke? Mitse. 23:19; 2 Tim. 2:13; Maheb. 4:2

Deuteronome 3:27

Kanilezi kanziha le hehla ka xitsunga xa Pisga, u tlakusa a mahlo ya wena le Mupela-gambo, ni le Nwalungu, ni le Dzongeni, ni le Mutsuwuka-gambo, u cuwuka hi mahlo ya wena, hakuva cima u nga ta tlhatuka loyi Jordani.

2 Timote 2:13

Loku hi nga tsumbeki, yena i ta simamisa a tsumbekile; hakuva a nga na ku ti kaneta. Mitse. 23:19; Rom. 3:3; 9:6