2 Tihosi 4:1 - Tshwa Bible

¹ Makunu a munwe wa vasati va vapizani va vaprofeti i loba huwa ka Elixa, aku: A nanza ga wena, a nuna Wa mina, i file! Wena wa zi tiva lezaku i wa hi munhu loyi a nga wa chava Jehova. Makunu loyi a nga wa mu pembile i tile ku ta teka a vana va mina va vambiri a ya va maha tikhumbi takwe! Levi 25:39; Mat. 18:25

2 Tihosi 4:1 ပူးပေါင်းရင်းမြစ်များ

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

1 Tihosi 18:3

Zonake Ahabi i lo vitana Obadia, a muhlayisi wa yindlu yakwe. Obadia i wa hi munhu a chavako Jehova;

1 Tihosi 20:35

Zonake a mupizani wo kari wa vaprofeti i te ngalo ka nakulobye hi gezu ga Jehova: Nzi khuvaze! Kanilezi a munhu loye i lo ala ku mu daya.

2 Tihosi 2:15

Laha a vapizani va vaprofeti, lava va nga wa hi le Jeriko, na va mu wonile, va te ngalo: A moya wa Elija wu le hehla ka Elixa. Va lo mu khinga va mu khizamela,

2 Tihosi 2:3

A vapizani va vaprofeti lava va nga wa hi le Beteli va lo huma vata ka Elixa va taku kakwe: Wa zi tiva lezaku inyamutlha Jehova i ta ku tekela a hosi ya wena yiya hehla ke? Yena aku: Nza zi tiva, miyelani!

2 Tihosi 2:5

A vapizani va vaprofeti lava va nga wa hi le Jeriko va lo tshinela ka Elixa, ya taku kakwe: Wa zi tiva lezaku inyamutlha Jehova i ta ku tekela a hosi ya wena yiya le hehla ke? Yena aku: Nza zi tiva, miyelani!

2 Tihosi 2:7

Zonake a 50 wa vanhu, va nga vapizani va vaprofeti, va lo ta yima mahlweni ka vona hi le kulanyana; vonawu hi wumbiri gabye va lo yima hi le mbhirini ya Jordani.

2 Tihosi 4:38

Makunu laha Elixa a nga wa tlhelele Gilgali, lomu tikweni ku wa hi ni ndlala. A vapizani va vaprofeti va wa tshamile mahlweni kakwe. Yena i te ngalo ka nanza gakwe: Xungeta a mbita ya hombe, u bhikela zakuga a vapizani va vaprofeti.

2 Tihosi 6:9

Kanilezi a munhu wa Nungungulu i lo ya tivisa a hosi ya ka Israeli, aku: Ti wonele, u nga hunzi hi wutshamu go kari, hakuva a maSiria ma ta relela hi kwalaho.

Nehemia 10:31

Ni lezaku, loku a vamatiko va neha a wukwewu, kutani na nga tixaka muni ta zakuga hi siku ga sabado va ta hi xavisela, hi nga ta va xavela siku lego, hambu hi siku ga ximuse; niku hi tava ni tlhatlhiselelo hi lembe ga wu 7, ni ku rivalelana yontlhe milanzu.

Nehemia 7:2

nzi lo yimisa nakulori Hanani na Hanania, a nduna ya khokhola, a kuva vahlayisi va Jerusalema, hakuva i wa hi wanuna a tsumbekileko, na a hunza vanyingi hi ku chava Nungungulu;

Tisimu 103:11

Hakuva khwatsi hi lezi a tilo gi tlakukileko hehla ka misava, Zi tano a wuxinji gakwe ka lava va mu chavako.

Tisimu 103:17

Kanilezi a wuxinji ga Jehova ga kala kupinzuka Ka vona lava va mu chavako, Ni kululama kakwe ka vazukulu, Ekso. 20:6; Deut. 7:9; Lu. 1:50

Tisimu 115:13

Yena i ta katekisa lava va chavako Jehova, Vontlhe vatsongwani ni vahombe.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Mavingu 22:7

Loyi a fumileko i fumela xisiwana, i mupembi i nanza ga mupembisi.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Jeremia 34:14

nziku: A kumbheleni ka ntlhanu wa malembe ni mambiri a munwe ni munwani i ta tlhatlha muHeberu-kulobye loyi a ti xavisileko ka nwina; i ta ku tirela a ntlhanu wa malembe ni ginwe, zonake u ta mu tsika a tlhatlheka; kanilezi a vakoko va nwina a va nzi ingisangi, hambu ni ku panga tindleve. Ekso. 21:2; Levi 25:39; Deut. 15:12

Levi 25:48

anzhako kakuva a ti xavisile, wa zi kota ku tlhatlhiswa; a munwe wa vamakabye vakwe wa zi kota ku mu tlhatlhisa.

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 18:25

Kota lezi a nga hi hava xa ku riha ha xona, a hosi yakwe yi lo laya lezaku a xabyiswa zinwe ni sati wakwe ni vanana, ni zontlhe lezi a nga hi nazo, kasi ku riha nanzu wa kona. 2 Tih. 4:1; Neh. 5:8

Mateu 18:30

Kanilezi a nga vumelangi; i lo famba a ya gi valela paxweni, gi kala gi riha nanzu.

Mateu 18:35

A Dadani wa mina wa le tilweni t ta mu maha zalezo, loku mu nga tsetseleli hi timbilu munwe ni munwani a makabye wakwe. Mav. 21:13; Mar. 11:26; Jak. 2:13

Mitiro 13:26

Vamakabye, vana va lixaka la ka Abrahama, ni vona lava xikari ka nwina va chavako Nungungulu, a mhaka ya kuhanyisa loku yi rumelwe ka hina.

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1

Rute 1:3

Elimeleki, a nuna wa Naomi, i lofa. Naomi i lo sala ni vafana vakwe va vambiri.

1 Samueli 22:2

Zonake ku lo tsombana ka yena vontlhe vanhu lava Va nga wa hlokiswa, ni vontlhe lava va nga wa hi ni milanzu, ni vontlhe lava va nga kala ku tshameka, va lo tsombana kakwe, yena a maha murangeli wabye. A vanhu lava va nga hi zinwe naye ko khwatsi va wa hi 400 wa vavanuna.