2 Tihosi 2:9 - Tshwa Bible

⁹ Makunu laha va nga wa tlhatukile, Elija i te ngalo ka Elixa: Kombela lezi u zi lavako a kuva nzi ku mahela zona na nzi nga se ku tekiwa mahlweni ka wena. Elixa i te ngalo kakwe: Nzi kombela lezaku nzi hiwa a xiavelo xa moya wa wena xi wuyetwa kumbiri.

2 Tihosi 2:9 ပူးပေါင်းရင်းမြစ်များ

1 Tihosi 19:16

u ta ya tota na Jehu nʼwana Nimxi a kuva hosi ya ka Israeli. U ta ya tota na Elixa nʼwana Xafate wa le Abela-Mehola, a tava muprofeti wutshanwini ga wena.

1 Tihosi 3:9

Hikwalaho nyika a nanza ga wena a mbilu ya ku tivisisa ku lamula vanhu va wena, kasi nza fela ku tiva ku hambanyisa kusasa ni kubiha. Hakuva himani a nga zi kotako ku lamula a vanhu va wena vo tatisa lezi?

Tisimu 72:1

Nungungulu, nyika zilayelo za wena ka hosi. Ni nʼwana wa hosi u mu nyika kululama ka wena.

Tisimu 72:20

A mikombelo ya Davida, a nʼwana Jesse, yi gumesile.

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 9:12

Tlhelelani khokholeni, nwina tiperesu ti ftga ni kutsumba. Inyamutlha nza tiyisa lezaku nzi ta mu tlhelisela ha kumbiri.

Mitsengo 11:17

Mina nzi ta relela, nzi ta wulawula na wena kwalaho; nzi ta pambu a a moya lowu wu nga ka wena, nzi wu chela hehla kabye, vona va ta rwala zinwe na wena a nzhwalo wa vanhu, kasi u nga rwali wece.

Mitsengo 11:25

Zonake Jehova i lo relela hi refu, a ta wulawula na Mosi, zonake i lo pambula a moya lowu wu nga wa hi hehla ka yena a wu chela hehla ka 70 wa masingalakati. Laha a moya wu nga wa relele hehla kabye, va lo profeta, kanilezi a va ha engetangi kambe.

Johani 16:7

Ahemba-lokoke, nza mu byela zinene, nziku: Zi mu sasekele lezaku nzi suka; hakuva loku nzi nga suki, a Muyimeli a nga tata ka nwina; kanilezi loku nzi suka, nzi ta mu rumela ka nwina. Xip. 14:26; Miti. 2:33

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Mitiro 8:17

Zonake va lo va tlhateka a mandla, va amukela Moya wa ku Basa.

1 Va le Korinte 12:31

Kanilezi navelisisani a zinyikiwo leʼza hombe nguvu. Makunu nzi ta mu kombisa a ndlela yi sasekileko nguvu. Xip. 14:1

Deuteronome 21:17

Kanilezi i ta nyika wutewula ka nʼwana wa loyi a mu alako, a mu avela xiavelo xi wuyetilweko kambiri ka zontlhe lezi a nga nazo; hakuva hi yena kusangula ka ntamu wakwe, ni wutewula gakwe.

Deuteronome 34:9

Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.

1 Timote 5:17

A masingalakati lawa ma nga varisi va nene a ma dzunziwe hi kuengetelweko, nguvunguvu vona lava va pinyamileko kukaneleni ni kugonziseni. Gal. 6:6