2 Tihosi 2:8 - Tshwa Bible

⁸ Zonake Elija i lo teka a nguwo yakwe a yi petsa, aba ha yona a mati ya congo, a mati ma avanyeka maya seno ni seno. Vona vambiri va lo tlhatuka muhanzeni wu womileko. Ekso. 14:21; Jox. 3:16

2 Tihosi 2:8 ပူးပေါင်းရင်းမြစ်များ

1 Tihosi 19:13

Laha Elija a nga wa gi zwile, i lo fenengeta a nghohe yakwe hi bhaji gakwe, a huma a ya yima laha nyangweni ya mhako. Languta, a gezu gi lota gi taku kakwe: Elija, wo maha yini laha? Ekso. 3:6

1 Tihosi 19:19

Zinghaho Elija i lo suka hi laho, a ya kuma Elixa a nʼwana Xafate na a kari a rima hi 12 wa miyoko leyi yi nga wa famba mahlweni kakwe; yena i wa gula a muyoko wo gumesa. Elija i lo hunza hi laha kusuhani kakwe, zonake i lo mu hoxa a kumba wakwe.

2 Tihosi 2:14

I lo teka a nguwo ya Elija, leyi a nga wa yi siyile, aba ha yona a mati, aku: I kwihi Jehova Nungungulu wa Elija? Zalezo yenawu i loba a mati, ma si avanyeka maya seno ni seno; Elixa a tlhatuka.

Eksodusi 14:29

Kanilezi a vanana va ka Israeli va lo famba xikari ka bimbi; laha misaveni yi womileko, ni mati ma wa yimile hi matlhelo mambiri.

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Maheberu 11:29

Hi kukholwa va lo tsemakanya a Bimbi go Pswhuka kota lomu misaveni yi womileko; kanilezi laha a vaGipite va nga ringa ku maha lezo va lo mhemba. Ekso. 14:22

Maheberu 11:37

Va lo gandliwa hi maribye, va sahiwa hi tisaruti, va ringwa, va dawa hi supado; va lo nzulanzula na va ambele a mabhebhe ya tiyivu ni timbuti; va lo pswhelekelwa, va xaniseka, ni ku khomiwa hi kubiha, 1 Tih. 21:13; 2 Tih. 1:8

Kuvululelwa 16:12

Leʼya wuntlhanu ni yinwe yi lo halata mukhelo wa yona le congweni lowu wa hombe Eufrate; ni mati ya wona ma lopswha, lezaku ku longiselwa ndlela ya tihosi ta le Mutsuwuka-gambo. Isa. 41:2, 25; Xip. 9:14

1 Samueli 28:14

Saule aku kakwe: Ngwa dzumba muni? Yena aku: Xikhosana xa kale xi humako na xi ambele a nguwo yo leha nguvu. Saule i lo zi tiva lezaku hi Samueli, i lo korama lahasi hi, nghohe yakwe a nyika xichavo.