2 Tihosi 18:3 - Tshwa Bible

³ 1 lo maha kululama mahlweni ka Jehova, khwatsi hi zontlhe lezi a zi mahileko a raru wakwe Davida.

2 Tihosi 18:3 ပူးပေါင်းရင်းမြစ်များ

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

1 Tihosi 11:4

Hakuva laha Solomoni a nga wa khosahele, a vasati vakwe va lo hambukisa a mbilu yakwe yi lanzela vanwani vanungungulu; zonake a mbilu yakwe yi wa nga mbhelelangi yontlhe ka Jehova Nungungulu wakwe, kota a mbilu ya raru wakwe Davida.

1 Tihosi 15:11

Asa i lo maha kululama mahlweni ka Jehova, khwatsi hi raru wakwe Davida.

1 Tihosi 15:5

Hakuva Davida i wa mahile kululama mahlweni ka Jehova; a nga hambukangi wontihe masiku ya kuhanya kakwe ka zontlhe lezi a nga wa leletelwe, ahandle ka mhaka ya Uria a muHiti.

1 Tihosi 3:14

Loku wena u famba hi tindlela ta mina, u hlayisa zileletelo za mina ni milayo ya mina, khwatsi hi raru wa wena Davida, zonake nzi ku lehisela masiku ya wena.

2 Tihosi 12:3

Hambu lezo, a matshamu ma tlakukileko a ma susiwangi; a vanhu va lo simama ku ya maha miphahlelo ni ku hisa tibani lomu matshanwini ma tlakukileko.

2 Tihosi 14:3

I lo maha kululama mahlweni ka Jehova, kanilezi a nga ringanangi ni raru wakwe Davida; i lo maha zontlhe khwatsi hi lezi a raru wakwe Joaxi a mahileko.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

2 Tihosi 22:2

I lo maha kululama mahlweni ka Jehova, a famba hi tontlhe tindlela ta Davida a dadani wakwe, a nga hambuki xibhabheni ge hambu xineneni.

2 Kronekele 29:2

I lo maha kululama mahlweni ka Jehova a lanzela tindlela tontlhe ta raru wakwe Davida.

Joba 33:27

A yimbelela mahlweni ka vanhu, aku: Nzi onhile, nzi tshovile nongameto, Kambe a nzi bhinzulangi nchumu.

Tisimu 119:128

Nza wona lezaku a zileletelo za wena zontlhe zi lulamile, Nzi venga a tindlela tontlhe ta mawunwa.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Isaya 38:3

Jehova nza ku khongotela akuva u alakanya lezaku nzi fambile mahlweni ka wena hi kukholeka ni mbilu yi mbheleleko; nzi mahile lezi za zinene mahlweni ka wena. Hezekia i lo rila a tsikwila.

Va le Roma 7:12

Lezoke a nayo wu basile, ni kulaya ku basile, ku lulamile ni kusaseka, Tis. 19:8; 1 Tim. 1:8

Va le Efesusi 6:1

Vanana, ingisani a vapswali va nwina Hosini, hakuva lezi zi sasekile. Mav. 23:22

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Deuteronome 6:18

U ta maha kululama ni zinene mahlweni ka Jehova kasi u tshameka, u kala uya enghena ka tiko lego go saseka, legi Jehova a hlambanyileko ka vararu va wena a kuva u ya gi fumela,