2 Tihosi 16:3 - Tshwa Bible

³ I lo lanzela tindlela ta tihosi ta ka Israeli; i lo hisa a nʼwana wakwe laha nzilweni, a lanzela mahanyela ya vamatiko, lava Jehova a nga va hlongola mahlweni ka vanana va ka Israeli. Levi 18:21; Deut. 18:10

2 Tihosi 16:3 ပူးပေါင်းရင်းမြစ်များ

1 Tihosi 14:24

Lomu tikweni ga ka Juda ku wa hi kona a vavanuna lava va nga wa hlawulelwe wubhayi. Va lo anzisa wontihe manyala ya matiko lawa Jehova a nga wa ma hlongole mahlweni ka vanana va ka Israeli. Deut. 18:9; 23:17

2 Tihosi 17:16

Va lo tsika yontlhe milayo ya Jehova Nungungulu wabye, va wumba zifananiso za marole mambiri, va ti mahela a zifananiso za Axtarte, va khizama mahlweni ka wontihe mabandla ya tilo, va khozela Baali.

2 Tihosi 17:17

Va lo hisa vafana vabye ni vanhanyana vabye lomu minzilweni, va ti nyiketela kuvumbeni ni wuloyini, ni ku maha lezi zi bihileko mahlweni ka Jehova, va mu zangarisa. Levi 18:21; Deut. 18:10

2 Tihosi 17:19

Hambu yenawu Juda a nga hlayisangi a milayo ya Jehova Nungungulu wakwe; va lo lanzela mikhuwo ya va ka Israeli, leyi va nga wa ti yimisele.

2 Tihosi 17:8

Va lo lanzela a mikhuwo ya matiko lawo Jehova a nga ma hlongola mahlweni ka vanana va ka Israeli, ni mikhuwo ya tihosi ta ka Israeli leyi ti yi mahileko.

2 Tihosi 21:11

Kota lezi Manasa a hosi ya ka Juda a mahileko manyala ya kunghahi, a onha ku hunza vaAmori lava va nga wa hi kona hi mahlweni kakwe, a onhisa ni vaJuda hi zifananiso zakwe: Jer. 15:4

2 Tihosi 21:2

I lo maha lezi zi bihileko mahlweni ka Jehova, a lanzela a manyala ya matiko lawo Jehova a ma hlongoleko mahlweni ka vanana va ka Israeli.

2 Tihosi 21:6

I lo hisa a nʼwana wakwe nzilweni, a namarela wutumbeni ni wuloyini, a yimisa vangoma ni vavumbi, a maha kubiha ko hunzeleta mahlweni ka Jehova, a mu zangarisa. Levi 18:21; 19:26; Jer. 32:35

2 Tihosi 21:9

Kanilezi vona a va ingisangi; Manasa i lo va kucetela ku maha kubiha ka hombe ku hunza matiko lawa Jehova a ma lovisileko mahlweni ka vanana va ka Israeli.

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Tihosi 8:18

I lo lanzela tindlela ta tihosi ta ka Israeli, kota lezi yi nga wa mahile a yindlu ya ka Ahabi, hakuva a sati wakwe i wa hi nwaAhabi. I lo maha lezi zi bihileko mahlweni ka Jehova.

2 Kronekele 22:3

Yenawu i lo lanzela tindlela ta va ka Ahabi, hakuva a nyine wakwe hi yena a nga wa muha wusungukati, a mu kucetela ku maha kubiha.

2 Kronekele 33:2

I lo maha kubiha mahlweni ka Jehova, a lanzela manyala ya matiko lawa Jehova a nga ma hlongola mahlweni ka va ka Israeli.

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Tisimu 106:35

Kanilezi va lo tlhangana ni vamatiko, Va gonza mahanyela yabye.

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Ezekieli 16:21

ko kala u daya ni vana va mina, u va nyikela va hiswa hi nzilo ka zifananiso ke?

Ezekieli 16:47

A ku fambangi tindleleni tabye ntsena, a ku mahangi manyalataniso yabye woce, zi wa nga ku ringanangi; u va hunzile kubiheni mahanyeleni ya wena wontihe.

Ezekieli 20:26

nzi lo va nyenyezisa hi minyikelo yabye, laha va nga hisa hi nzilo wontihe a matewula, lezaku va dzuka va chava, kasi va fela ku zi tiva lezaku hi mina Jehova. 2 Kro. 33:6

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Levi 20:2

Engeta u byela a vanana va ka Israeli, uku ka vona: Kani hi wihi xikari ka vanana va ka Israeli, hambu xikari ka valuveli lava va luvelako lomu ka va ka Israeli, loye a nyikelako a nwanana wakwe ka Moloki a ku mu maha munyikelo, hakunene i ta dawa: a vanhu va tiko va ta mu gandla hi maribye.

Mika 6:7

Jehova i ta xalaliswa hi makume mazana ya tihamba, kutani hi mazanazana ya micongo ya mafura ke? Nzi ta nyikela a matewula ya mina hi zihambunyeto za mina, ni mbhanzu wa miri wa mina hi kota ya kuonha ka muhefemulo wa mina ke?

Deuteronome 12:31

U nga mahi zo kota lezo ka Jehova Nungungulu wa wena; hakuva zontlhe lezi va mahelako vanungungulu vabye zinyenyeko mahlweni ka Jehova lezi a zi vengako; hakuva hambu ni varisanyana vabye ni vanhanyana vabye va va hisile nzilweni ku maha miphahlelo ya vanungungulu vabye.

Deuteronome 18:10

Ngha ku nga kumiwi ni munhu munwe ka wena loyi a nyikelako nʼwana wakwe kutani nhanyana wakwe laha nzilweni, ni loyi a tirako wutumbe, kutani mungoma, ni mulori,