2 Tihosi 13:7 - Tshwa Bible

⁷ Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

2 Tihosi 13:7 ပူးပေါင်းရင်းမြစ်များ

2 Samueli 22:43

Nzi va silile khwatsi hi ntshuri wa misava, Nzi va pswhinya, nzi va kanzihela khwatsi hi nzhope ya laha ndleleni.

1 Tihosi 20:15

Zonake Ahabi i lo hloma a malanza ya tinduna ta lomu tikweni; va wa hi 232 wa vavanuna. Anzhako ka lezo i lo hloma gontlhe tiko ga ka Israeli; va wa hi 7,000 wa vavanuna.

1 Tihosi 20:27

A vanana va ka Israeli va lo hlomiswa va nyikwa timbuva, va famba a ku yalwa ni maSiria. A vanana va ka Israeli va lo gova va cuwukana navo, na Va fanana ni mitlhambi mimbiri yitsongwani ya timbuti, kanilezi a maSiria na ma fenengetile a tiko.

2 Tihosi 10:32

Masikwini walawo Jehova i lo sangula ku hungula a tiko ga ka Israeli; Hazaeli i lo va hlasela lomu mimbhinganweni yabye yontlhe;

2 Tihosi 13:8

A yinwani mitiro ya Jehoahaza ni zontlhe lezi a zi mahileko, ni wunhenha gakwe, zi tsalilwe lomu bhukwini ga Matimu ya tihosi ta ka Israeli.

2 Tihosi 8:12

Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.

Tisimu 18:42

Nzi lo va sila kukotisa tsutsungwani wu kukuletwako hi mheho, Nzi lo va cukumeta kota caka ga tindlela.

Isaya 36:8

Hikwalaho, zwananani makunu ni nwinyi wa mina, a hosi ya le Assiria, zonake nzi ta ku nyika 2,000 wa mahaxi, loku wena u ta zi kota ku kuma vakhileli va kona.

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Joeli 3:14

Hi nga zwani a zidlemo zi tsombanako nkoveni wa kulamula! hakuva a siku ga Jehova gi tshinele le nkoveni wa kulamula.

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Amosi 1:3

Jehova i ngalo: Hi kota ya zionho zinharu za Damasku, kutani mune wa zona, nzi nga ta susa a xitsayiso, hakuva va hulile Gileade hi zihulo za tisimbi.

Amosi 4:10

Nzi mu rumele a ntungu wo fanana ni wa le Gipite, nzi daya ma jaha ya nwina hi tisupado, a mahaxi ya nwina ma phangiwa; a kunuha ka zirumbi za wugovelo ga nwina nzi ku mahile ku chikela tinhovini ta nwina; hambu zi hi tano, a mu hunzulukangi ka mina, ku wula Jehova. Ekso. 9:3; 12:29; 2 Tih. 13:3, 7

1 Samueli 13:15

Zonake Samueli i lo suka le Gilgali a kanziha Gibea wa ka Benjamini. Saule i lo hlaya a vanhu lava va nga wa hi naye, a kuma 600 wa vanhu.