2 Tihosi 13:4 - Tshwa Bible

⁴ Jehoahaza i lo khongela ka Jehova, Jehova a mu ingisa, hakuva i le wona kutsimbeketwa ka va ka Israeli loku a hosi ya le Siria yi nga wa va tsimbeketisa zona.

2 Tihosi 13:4 ပူးပေါင်းရင်းမြစ်များ

Genesisi 21:17

Nungungulu i lozwa a gezu ga mufana; ni ngelosi ya Nungungulu yi vitana Hagari, yi hi le tilweni, yiku kakwe: Hagari, u yini ke? U nga chavi; hakuva Nungungulu i zwile a gezu ga mufana laho a nga kona.

Genesisi 31:42

Loku ku wa nga hi lezi a nga na mina Nungungulu wa dadani, ni Nungungulu wa Abrahama, loyi Isaka a mu chavako, ngha u lo nzi fambisa na nzi nga hi na nchumu. Nungungulu i wonile a kuxaniseka ka mina, ni mitiro ya mandla ya mina, a kala a ku kawuka atolo ni wusiku.

2 Tihosi 13:22

Hazaeli a hosi ya le Siria i lo tsimbeketa Israeli wontihe masiku ya kufuma ka Jehoahaza.

2 Tihosi 13:23

Kanilezi Jehova i lo va zwela wusiwana, a va mahela wuxinji, a va languta hi kota ya xivumelwano xakwe zinwe na Abrahama, na Isaka, na Jakobe; a nga lavangi ku va lovisa, kala lezi a nga va hoxangi kule ni nghohe yakwe. Gen. 17:7; Ekso. 2:24; Levi 26:42

2 Tihosi 14:26

Hakuva Jehova i wa wonile a mhango ya hombe nguvu ka Israeli, ni lezaku ku wa nga hi na wa ku sala, a va ntamu ni va tsongwani, ku wa nga hi na munhu wa ku hlanguta Israeli. Deut. 32:36

2 Kronekele 33:19

A mukhongelo wakwe ni ku hlamuliwa ka wona, ni kuonha kakwe, ni kuhambuka kakwe, ni wutshamu legi a akileko ka gona a matshamu ma tlakukileko, ni laha a nga yimisa kona a zifananiso za Axtarte, ni zifananiso zi vatlilweko, na a nga se ti koramisa, zi tsalilwe lomu ka matimu ya vawoni.

Ezra 8:23

Zinghaho hi lo yila, hi hlota ku vuniwa hi Nungungulu wa hina ka lezi; i lo hi ingisa.

Joba 22:27

Zonake u ta maha mukombelo wa wena kakwe, a kuzwa, Na wena u ta tatisa zifungo za wena.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 78:34

Laha yena a nga va hihirita, zonake va lo mu hlota, Va hunzuluka, va hlotisisa Nungungulu.

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Eksodusi 3:9

Makunu a kurila ka vanana va ka Israeli ku chikele ka mina; nzi wonile a kuxaniseka loku a vaGipite va va xanisako ha koha.

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 2:27

Lava va wulako ka dzanza, vaku: Wena u dadani wa mina, Vaku ka ribye: Mina nzi pswalilwe hi wena. Hakuva va nzi fularele, a va nzi cuwukeli; Kanilezi a xikhatini xa khombo va taku ngalo: Yima, u hi hlanguta!

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Mitsengo 21:7

A vanhu va lota ka Mosi, va ta ku ngalo: Hi onhile hakuva hi solile Jehova na wena; hikwalaho hi kombelele ka Jehova kasi a fela ku hlongola tinyoka xikari ka hina. Mosi i lo kombelela vanhu.

Valamuli 10:10

Zonake a vanana va ka Israeli va lo rila ka Jehova, vaku: Hi ku onhele; hakuva hi lo fularela Nungungulu wa hina, hi khozela maBaali.