2 Tihosi 1:9 - Tshwa Bible

⁹ Zonake a hosi yi lo rumela a nduna ka Elija, na yi hi ni 50 wa vanhu. Yi lo kanziha yiya kakwe yi ya mu kuma na a tshamile le hehla ka xitsunga; zonake yiku kakwe: Munhu wa Nungungulu, a hosi yi ngalo: Relela uta!

2 Tihosi 1:9 ပူးပေါင်းရင်းမြစ်များ

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

1 Tihosi 18:10

Nzi hlambanya ha Jehova Nungungulu wa wena a hanyako! Ku hava a tiko ni mufumo lomu a hosi ya mina yi nga rumangiko kona a vanhu a ku ya tava wena; ni loku vaku: A nga kona; a hosi yi lo hlambanyisa a tiko ni mufumo, va tiyisa lezaku a va ku kumangi.

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 18:42

Ahabi i lo kanziha a yaga, anwa; kanilezi Elija i lo kanziha le hehla ka xitsunga xa Karmeli, a ya korama lahasi, a veka nghohe yakwe xikari ka madzolo yakwe.

1 Tihosi 19:2

Zonake Jezebeli i lo rumela ntsumi ka Elija, aku: A vanungungulu a va nzi tsayise ni ku engeta, loku manziko hi xwalexi xikhati nzi nga ku dayi, kota lezi u nga dayisa zona munwe ni munwani wa vona,

1 Tihosi 22:8

A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

2 Tihosi 2:25

I lo suka laho aya le xitsungeni xa Karmeli; zonake i lo suka laho a tlhelela le Samaria.

2 Tihosi 4:25

Zinghaho i lo suka aya ka munhu wa Nungungulu le xitsungeni xa Karmeli. Makunu laha a munhu wa Nungungulu a nga mu wonile na ha hi kule, i te ngalo ka Gehazi, a nanza gakwe: Hi gaya a wasati wa muXuname!

Jeremia 35:4

nzi lo va yisa ndlwini ya Jehova, a tsawini ga vanana va Hanani, nʼwana wa Igdalia, a munhu wa Nungungulu, legi gi nga gamekene ni tsawu ga tihosana, a hehla ka tsawu ga Maaseya nʼwana Xallume, a murinzeli wa nyangwa.

Amosi 7:12

Kambe Amazia aku ka Amosi: Wena muvumbi, ti fambele u chavela tikweni ga ka Juda, lomo u ta nga ya kuma kona zakuga, ni ku profetela kona, 1 Sam. 9:9; Am. 2:12

Mateu 14:3

Hakuva Herodi i wa khomile Johani, a mu boha, a mu valela paxweni hi kota ya Herodia, a sati wa nakulobye Filipu. Mar. 6:17; Lu. 3:19, 20

Mateu 26:68

vaku: Kristu, hi vumbele loyi a ku bileko!

Mateu 27:29

Va lo luka a xidlodlo xa mizwa, va xi tlhateka hlokweni yakwe, va mu khomisa lihlanga canjeni gakwe ga xinene; va lo khizama mahlweni ka yena, va mu tseketsela, vaku: Xewe, hosi ya vaJuda! Tis. 69:19; Isa. 53:3

Marku 15:29

Lava va nga hunza va lo mu rukatela, va chepeta hi tihloko tabye, vaku: Ha! wena u khungumuleko a tempeli, u yi aka hi masiku manharu, Tis. 22:7; Xip. 14:58; Joh. 2:19

Marku 15:32

A Kristu loyi, a nga Hosi ya vaIsraeli, ngha a chika xihambanweni, kasi ha fela ku wona, hi kholwa. Ni lava va nga belelwe naye va lo mu rukatela. Mat. 27:44; Lu. 23:39

Luka 9:54

A vapizani vakwe Jakobe na Johani, laha na va zi wonile, va te ngalo: Hosi, wa zi ranza lezaku hi laya nzilo wu relela hi te tilweni, wu ta va mbhetisa ke? 2 Tih. 1:10, 12

Maheberu 11:36

Vanwani va lo ringwa hi kutseketselwa ni kubiwa; ina, va bohiwa ni ku valelwa paxweni. Jer. 20:2

1 Samueli 19:21

Va lo ya bikela Saule, zonake Saule i lo rumela vanwani vanhu, vonawu kambe va lo ya profeta. Saule i lo ruma mitsumi hi xikhati xa wunharu, na vonawu va profeta.