2 Tihosi 1:3 - Tshwa Bible

³ Kanilezi a ngelosi ya Jehova yi te ngalo ka Elija a muTixebeti: Suka u ya tlhangana ni mitsumi ya hosi ya le Samaria, uku ka yona: Hi lezaku a ku na Nungungulu lomu tikweni ga ka Israeli, lezi u yako ku ya wutisa ka Baali-Zebuba, a nungungulu wa le Ekroni ke?

2 Tihosi 1:3 ပူးပေါင်းရင်းမြစ်များ

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

1 Tihosi 18:1

Makunu laha na ku hunzile masiku yo tata, a gezu ga Jehova gi lota ka Elija hi lembe ga wunharu, giku: Famba u ya ti kombisa ka Ahabi, zonake nzi ta nisa vuta laha misaveni. Jak. 5:17

1 Tihosi 18:36

Zonake hi xikhati xa ku nyikela a muphahlelo wa gambo, muprofeti Elija i lo tshinela laha kusuhani, aku: Jehova, Nungungulu wa Abrahama, na Isaka, na Israeli, a zi tibyiwe inyamutlha lezaku wena u Nungungulu wa ka Israeli, ni lezaku mina nzi nanza ga wena, ni lezaku mina nzi mahile lezi hi kota ya kuleletela ka wena! Ekso. 3:6; Mat. 22:32

1 Tihosi 19:5

I lo barama lahasi ka sinyana, g etlela. Languta, a ngelosi yi lota yi ta mu khumba, yiku kakwe: Vuka uga!

1 Tihosi 19:7

A ngelosi ya Jehova yi lota kambe khati ga wumbiri yi ta mu khumba, yiku: Vuka uga, hakuva a lwenzo li lehile nguvu ku hunza a ntamu wa wena.

1 Tihosi 21:17

Zonake a gezu ga Jehova gi loya ka Elija a muTixebeti gi yaku:

2 Tihosi 1:2

Ahazia i lowa hi laha njhaneleni ya yindlu yakwe le xitezi, leyi yi nga wa hi le Samaria; i lo babya. Zonake i lo rumela a mitsumi aku ka yona: Fambani mu ya wutisa ka Baali-Zebuba, a nungungulu wa va le Ekroni, kasi nza fela ku tiva lezaku xana nzi ta hanya ka wubabyi legi.

2 Tihosi 1:6

Vona va te ngalo kakwe: Ku lota munhu a ta tlhangana na hina, aku: Tlhelani mu famba ka hosi ya nwina leyi yi mu rumileko, mu yaku ka yona: Jehova i ngalo: Xana lomu tikweni ga ka Israeli ko va hava Nungungulu, lezi u rumako ku ya wutisa ka Baali-Zebuba a nungungulu wa le Ekroni ke? Hikwalaho cima u nga ta vuka ka legi sango u etleleko ka gona, u tafa.

2 Tihosi 1:8

Vona va te ngalo kakwe: Munhu a ambeleko a kumba wa woya na bohile a bhandi ga bhebhe xiwunwini xakwe. Yena i te ngalo: Hi Elija a muTixebeti. Zak. 13:4; Mat. 3:4

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

2 Tihosi 5:8

Laha Elixa a munhu wa Nungungulu a nga wa zi zwile lezaku a hosi ya ka Israeli yi hanzule a tinguwo ta yona, i lo rumela a munhu ka hosi, a yaku: Hi kuyini u hanzula a tinguwo ta wena ke? A ate seno ka mina, kasi a fela ku zi tiva lezaku lomu tikweni ga ka Israeli ku na ni muprofeti.

Tisimu 76:1

Nungungulu i tibyiwa a ka Juda; A vito gakwe ga hombe ka Israeli.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Jona 2:8

Lava va khatalelako zahava, Va tsika Nungungulu wabye wa tipswalo.

Marku 3:22

A vatsali lava va nga relele hi le Jerusalema, vaku ngalo: I na na Belzebuba, niku, I hlongola madimoni hi hosana ya madimoni. Mat. 9:34; Lu. 11:15; Joh. 7:20

Mitiro 8:26

Kanilezi a ngelosi ya Hosi yiku ngalo ka Filipu: Suka u famba le Dzongeni, hi ndlela leyi yi relelako hi le Jerusalema yiya le Gaza, leyi yi nga xiwula. Tis. 91:11

1 Samueli 17:46

Inyamutlha Jehova i ta ku nyikela canjeni ga mina. Nzi ta ku tlhava nzi tsema hloko ya wena. Inyamutlha nzi ta nyikela a zirumbi za tiyimpi ta vaFilistia ka tinyanyani ta tilo ni ka zivanza za misava, kasi a misava yontlhe yi ta zi tiva lezaku i kona Nungungulu wa ka Israeli.