2 Samueli 7:13 - Tshwa Bible

¹³ Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

2 Samueli 7:13 ပူးပေါင်းရင်းမြစ်များ

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

2 Samueli 7:16

Kanilezi a yindlu ya wena, ni mufumo wa wena zi ta tshama kala kupinzuka mahlweni ka mina. A xitshamu xa wena xa wukosi xi ta su tsonzoma kala kupinzuka.

2 Samueli 7:27

Hakuva wena Jehova wa tiyimpi, Nungungulu wa ka Israeli, u tivisile a nanza ga wena, uku: Nzi ta ku akela a yindlu. Hikwalaho a nanza ga wena gi tiyile mbilu gi khongela a mukombelo lowu.

1 Tihosi 2:24

Makunu khwatsi hi lezi Jehova a hanyako, loyi a nga nzi yimisa ni ku nzi veka xitshanwini xa wukosi xa dadani wa mina Davida, a nzi mahela a yindlu khwatsi hi lezi a wulileko! Hakunene Adonija i ta dawa inyamutlha.

1 Tihosi 2:4

kasi Jehova a fela ku tatisa a gezu gakwe legi a gi wulileko ka mina, aku: Loku a vanana va wena va ti hlayisa tindleleni tabye, va famba hi zinene mahlweni ka mina hi timbilu tabye tontlhe, ni mihefemulo yabye yontlhe, cima ku nga ta vumaleka a munhu wa yindlu ya wena lomu xitshanweni xa wukosi xa ka Israeli kala kupinzuka.

1 Tihosi 2:45

Kanilezi hosi Solomoni i ta katekiswa, ni xitshamu xa wukosi xa Davida xi ta tiyiswa mahlweni ka Jehova kala kupinzuka.

1 Tihosi 5:5

Makunu languta, mina nzi lava ku akela a vito ga Jehova Nungungulu wa mina a yindlu, khwatsi hi lezi Jehova a wulileko ka dadani wa mina Davida, aku: A nʼwana wa wena loyi nzi ta nga mu yimisa xitshanwini xa wena xa wukosi, hi yena a ta nga akela a vito ga mina a yindlu.

1 Tihosi 6:12

Xungetano ni yindlu leyi u akako, loku wena u famba hi milayo ya mina, ni loku wena u maha zileletelo za mina, u hlayisa milayo ya mina yontlhe, u famba ha yona, nzi ta tatisa a gezu ga mina legi nzi gi wulileko ka raru wa wena Davida.

1 Tihosi 8:13

Hakunene mina nzi ku akele a yindlu, a wutshamu legi u ta nga tshama ka gona kala kupinzuka.

1 Tihosi 8:15

Yena i te ngalo: A ku dumiswe Jehova Nungungulu wa ka Israeli, loyi a tatisileko hi canja gakwe, lezi a nga zi wulawula hi nomu wakwe ka dadani Davida, aku:

1 Tihosi 8:19

Hambu zi hi tano a hi wena u ta nga aka yindlu leyo; kanilezi ku tava nʼwana wa wena a humako xiwunwini xa wena, hi yena a ta nga nzi akela yindlu.

2 Tihosi 21:4

I lo aka a alati lomu ndlwini ga Jehova, lomu Jehova a nga wa te ngalo: Nzi ta veka a vito ga mina le Jerusalema. Deut. 12:5; 1 Tih. 8:29

2 Tihosi 21:7

I lo yimisa a zifananiso za Axtarte a zi mahileko ndlwini leyi hi kota ya Davida ni nʼwana wakwe Solomoni Jehova a nga te: Leyi yindlu ni muti wa Jerusalema nzi zi hlawule xikari ka tontlhe tixaka ta ka Israeli kasi ku aka a vito ga mina kala kupinzuka.

2 Tihosi 8:19

Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

2 Kronekele 33:4

I lo aka a maalati lomu ndlwini ya Jehova, leyi yena Jehova a nga ku ngalo: A vito ga mina gi ta tshama lomu Jerusalema kala kupinzuka. Deut. 12:5; 2 Sam. 7:10, 13

2 Kronekele 6:16

Jehova Nungungulu wa ka Israeli makunu maha ka dadani wa mina, a nanza ga wena Davida, lezi u mu tsumbisileko zona, uku: Cima ku nga ta vumaleka ni siku ginwe mahlweni ka mina a munhu loyi a ta nga tshama xitshanwini xa wuhosi xa ka Israeli, loku a vana va wena hakunene va hlayisa tindlela tabye, va famba hi milayo ya mina khwatsi hi lezi u fambisileko zona wena mahlweni ka mina.

Joba 36:7

A nga fulareli laʼva lulamileko: Kanilezi i va veka zinwe ni tihosi xitshanwini xa wuhosi; Ina, wa va tshamisa kala kupinzuka, a va kulisa.

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Tisimu 89:21

Nzi ta mu akisa hi canja ga mina, A woko ga mina gi ta mu tiyisa.

Tisimu 89:29

Nzi ta maha lixaka lakwe li simamisa kala kupinzuka, Ni xitshamu xakwe xa wuhosi khwatsi hi masiku ya tilo.

Tisimu 89:4

Nziku: Nzi ta tiyisa a pswalo wa wena kala kupinzuka, Nzi ta yimisa a xitshamu xa wena xa wuhosi ka zontlhe zizukulwana. (Sela.) 2 Sam. 7:12; Isa. 55:3; Lu. 1:32

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 33:17

Hakuva Jehova i ngalo: Davida cima a nga ta vumala munhu a tshamako xitshanwini xa wuhosi xa yindlu ya Israeli; 2 Sam. 7:16; 1 Tih. 2:4; 8:25

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Zakaria 6:12

uku ka yena: Jehova wa tiyimpi i ngalo: Languta, a wanuna loyi a vito gakwe a nga Hluke, i ta mita wutshanwini gakwe, a aka a yindlu ya Jehova. Isa. 11:1; Jer. 23:5; 33:15

Zakaria 6:13

Hi yena a ta nga aka a tempeli ya Jehova; i tava ni wuhosi, a tshama hehla ka xitshamu xakwe xa wuhosi a fuma; ni kambe i tava mupristi xitshanwini xakwe. Ku tava kona a makungo ya kurula xikari ka zikhundla lezi zimbiri.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Maheberu 3:3

Hakuva yena i hlayelwe aku i fanele wudzunzo ku hunza ga Mosi, kota lezi loyi a akileko yindlu i kuma kudzunziwa ka hombe ku hunza yindlu ya kona. Zak. 6:12; Mat. 16:18

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22