2 Samueli 3:28 - Tshwa Bible

²⁸ Anzhako ka lezo Davida i lo zizwa, aku ngalo: Mina a nzi na nanzu hi nkhata wa Abneri nʼwana Neri; mina ni mufumo wa mina hi hava nanzu mahlweni ka Jehova kala kupinzuka.

2 Samueli 3:28 ပူးပေါင်းရင်းမြစ်များ

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

Genesisi 9:6

Loye a halatako a nkhata wa munhu, a nkhata wakwe wu ta halatwa hi munhu; hakuva Nungungulu i lo maha vanhu hi mufananiso wakwe. Mat. 26:52; Kuv. 13:10

2 Samueli 1:16

Davida i te ngalo ka yena: A nkhata wa wena a wuve hlokweni ya wena nwinyi, hakuva a nomu wa wena wu kustumunya, wuku: Hi mina nzi nga daya a totilweko wa Jehova.

2 Samueli 16:8

Jehova a tlhelisele hehla ka wena wontihe a nkhata wa yindlu ya ka Saule, leyi wena u fumako matshanwini ya yena, makunu Jehova i nyikele wukosi mandleni ya nʼwana wa wena Absalome. Inyamutlha wena u le tikhuruxwini, hakuva u munhu wa nkhata.

2 Samueli 3:27

Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.

2 Samueli 3:29

Ngha wuva le hlokweni ya Joabe ni le ndlwini yontlhe ya raru wakwe. Ngha a nga hi kona munhu a ponako lomu ndlwini ya Joabe a kuva ni ntungu, wa ku humesa nkhata, kutani hlokonho, kutani loyi a chetengelako hi nhonga, kutani wa ku wela matlharini, hambu wa kuvumala zibaba. Levi 15:2; 1 Tih. 2:5

Eksodusi 21:12

Loku a munhu a daya munwani, yenawu i fanele ku dawa futsi. Gen. 9:6; Mat. 26:52

Mitsengo 35:33

Mu nga dzuki mu onha a tiko legi mu nga ka gona, hakuva a nkhata wu onha tiko; makunu ku hava muphahlelo munwani wa nkhata lowu wu halatilweko, ntsena wona nkhata wa loye a halatileko nkhata. Gen. 9:6

Mateu 27:24

Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6