2 Samueli 24:22 - Tshwa Bible

²² Arauna i te ngalo ka Davida: Hosi yanga, wu teke, u nzi nyika lezi zi faneleko kuwoneni ka wena. Languta, a tihomu ta ku maha ha tona a munyikelo wa kuhiswa, ni ngholowonya ya za ku hula ha zona, ni miyoka zi ta maha tihunyi.

2 Samueli 24:22 ပူးပေါင်းရင်းမြစ်များ

Genesisi 23:11

Ahihi, hosi yanga, nzizwe; nza ku nyika simu lego, ni mhako yi nga ka gona, nza yi nyika ka wena; nza ku nyika mahlweni ka vanhu va ka hina: kelela mufi wa wena.

1 Tihosi 19:21

Zonake Elixa i lo mu siya a ya teka a tihomu timbiri a maha muphahlelo ha tona; i lo bhika a nyama ya kona hi miyoko ya tihomu, a nyika vanhu vaga. Zonake i lo suka a lanzela Elija, a mu tirela.

1 Kronekele 21:22

Davida aku kakwe: Nzihe wutshamu laha nzhimbyeni wa wena, kasi nzi fela ku akela laho a alati ga Jehova; nzi nyike u hlaya a tsengo wa mali ya gona yontlhe, kasi a ntungu wu fela ku suswa hehla ka vanhu.

Valamuli 6:26

U aka a alati ga Jehova Nungungulu wa wena hehla ka ribye lego, u gi aka khwatsi. U ta teka a honwana ya wumbiri u maha muphahlo wo hiswa hi tihunyi ta xifananiso lexi u nga xi tsemelela.

1 Samueli 6:14

Laha a kareta yi ngata lomu masinwini ya Joxua a muBeti-Xemexe, yi lo ta yima lomo; ku wa hi ni ribye ga hombe laho. Va lo panzelela mapulangu ya kareta va maha tihunyi, va nyikela mapswele lawo ya mambiri, va maha ha wona a munyikelo wa kuhiswa wa Jehova.