2 Samueli 24:17 - Tshwa Bible

¹⁷ Laha Davida a nga wa wonile a ngelosi ya Jehova leyi yi lovisako vanhu lomu xikari ka tiko i lo wulawula ka Jehova, aku: Languta, mina hi mina nzi onhileko, hi mina nzi mahileko loku kubiha; kanilezi a tiyivu leti ti onhile yini ke? Ngha canja ga wena gi hi hehla ka mina ni hehla ka yindlu ya dadani wa mina!

2 Samueli 24:17 ပူးပေါင်းရင်းမြစ်များ

Genesisi 18:23

Abrahama i lo tshinela kusuhani i te ngalo: U ta lovisa a valulamileko ni vangalulamangiko ke?

Genesisi 44:33

Hikwalaho nza ku khongotela lezaku u vumela a nanza ga wena gi sala gi maha khumbi, wutshanwini ga mufana loyi, nzi maha khumbi ya hosi ya mina, a mufana a famba ni vanakulobye.

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

2 Samueli 24:10

Laha Davida a nga hlayile vanhu i lo biwa hi livalo lakwe. Zonake aku ka Jehova: Nzi onhile nguvu hi lezi nzi mahileko lezi zilo! Makunu Jehova, susa kuonha ka nanza ga wena, hakuva hakunene nzi mahile wupumbu.

2 Samueli 7:8

Hikwalaho u ta mu byela lezo Davida, a nanza ga mina, uku; Jehova wa tiyimpi i ngalo: Mina nzi ku tekile lomu wuriselweni, ni xikari ka tiyivu kasi wena u fela ku maha murangeli wa vanhu va mina, va nga vona va ka Israeli.

1 Tihosi 22:17

Mikaia i te ngalo: Mina nzi wonile va ka Israeli vontlhe na va hangalakile lomu zitsungeni khwatsi tiyivu ti nga hiko na murisi. Jehova na aku ngalo: Lava vanhu a va na nwinyi, a munwe ni munwani a tlhele hi kurula le ndlwini yakwe. Mitse. 27:17; Mat. 9:36

Joba 42:6

Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Joba 7:20

Loku mina nzi onhile, nzi ku mahele yini, wena muhlayisi wa vanhu? Hi kuyini u nzi mahako xivango xa wena, Lezaku mina nziva nzhwalo wa mina wutsumbu ke?

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Tisimu 44:11

Wena wa hi nyikela kukotisa a tiyivu leti ti giwako; U hi hangalasa xikari ka vamatiko.

Tisimu 74:1

Nungungulu, hiyini u hi tsikileko magumo? Hikuyini u zangarelako a ntlhambi wa wena ke?

Tisimu 78:71

I lo mu teka laha a nga risa mapswele ya tiyivu, A mu veka a kuva murisi wa Jakobe, a tiko gakwe, Na Israeli, a tshomba yakwe. 2 Sam. 7:8

Eksodusi 10:16

Zonake Faro i lo hatlisa ku vitana Mosi na Aroni, aku ka vona: Nzi onhile ka Jehova, Nungungulu wa nwina, ni ka nwina.

Isaya 6:5

Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Jona 1:12

Yena aku kabye: Nzi tlakuleni, mu nzi hoxa lomu bimbini, kasi ma fela kuva ni malenga; hakuva nza zi tiva lezaku mu vukelwa hi bhubhutsa legi ga hombe hi kota ya mina.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10