2 Samueli 23:5 - Tshwa Bible

⁵ Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

2 Samueli 23:5 ပူးပေါင်းရင်းမြစ်များ

Genesisi 9:16

A wura gi tava marefini, nzi ta gi cuwuka, nzi alakanya a xivumelwano xa pinzukelwa, xi nga xikari ka Nungungulu ni zivangwa zontlhe za tontlhe tixaka ta nyama yi nga misaveni.

2 Samueli 12:10

Hikwalaho a supado cima yi nga ta huma lomu ndlwini ya wena, hambu ni siku ginwe, hakuva u nzi kanyisile hi ku teka a sati wa Uria a muHiti u mu maha wa wena.

2 Samueli 13:14

Kanilezi yena a nga lavangi ku ingisa a gezu gakwe; i lo mu kurumeta hi ntamu, a mu onha, a etlela naye.

2 Samueli 13:28

Absalome i lo leletela malanza yakwe, aku: Xiyisisani khwatsi, a xikhati lexi a mbilu ya Amnoni yi tangeleko hi vinya, ni loku nziku ka nwina: Dayani Amnoni! Dayani futsi. Mu nga mu chavi! Ma zizwa lezo ke? Tiyani, muva vavanuna va tinhenha!

2 Samueli 18:14

Joabe i lo hlamula aku kakwe: Nzi nga ta hungala hi ku wulawula na wena! Zonake i lo teka matlhari manharu a ya gwaza ha wona Absalome hi laha mbilwini, na a ha hanya lomu hehla ka nkuhlu.

2 Samueli 7:12

Loku masiku ya wena ma mbhelile, na u etlele ka vararu va wena, mina nzi ta yimisa a nʼwana wa wena a nzhako ka wena, loyi a ta nga huma xiwunwini xa wena, nzi tiyisa mufumo wakwe.

2 Samueli 7:18

Zonake Davida i lo enghena a tshama mahlweni ka Jehova, aku: Hi minawu mani, Hosi Jehova? A yindlu ya mina yona ya kuva xini, ko kala u nzi neha laha? Gen. 32:10

1 Tihosi 1:5

Zonake Adonija nʼwana Haggite i lo ti kulisa, aku: Mina nzi tava hosi! I lo ti lavela a tikareta ni vakhileli va mahaxi, ni 50 wa vavanuna lava va nga wa tsutsuma mahlweni kakwe. 2 Sam. 3:4; 1 Kro. 3:2

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

1 Tihosi 12:14

Yi lo va byela a timhaka leti ti wulilweko hi majaha, yiku: A raru wa mina i tikisile muyoka wa nwina, kanilezi mina nzi ta hunzeleleta ku wu tikisa; a raru wa mina i wa mu tsayisa hi timhika, kanilezi mina nzi ta mu tsayisa hi tihume.

Tisimu 111:9

I rumele kutlatlheka ka vanhu vakwe, I yimisile a xivumelwano xakwe kala kupinzuka; A vito gakwe gi basile, ga chaveka.

Tisimu 119:81

A muhefemulo wa mina wu navelisisa nguvu a kuhanyisa ka wena, Nzi tsumba a gezu ga wena. Gen. 49:18; Lu. 2:25, 30

Tisimu 27:4

Xilo xinwe nzi kombelako ka Jehova, nzi ta lava lexo: Hi lezaku nzi tshama ndlwini ya Jehova a masiku wontihe ya kuhanya ka mina, Kasi nza wona a kusaseka ka Jehova, nzi languta tempeli yakwe.

Tisimu 62:2

Hi yena yece a nga ribye ga mina ni kuhanyiswa ka mina; I khokhola ga mina, nzi nga ta tsekatsekiswa nguvu.

Tisimu 89:3

Nzi mahile a xivumelwano ni a hlawulilweko wa mina, Nzi hlambanyile ka Davida a nanza ga mina,

Isaya 11:1

Lomu ka xibho xa Jese ku ta huma a hluke, Ni ximilwa xi ta huma hi le mitswini yakwe, xi pswala mihanzu.

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Isaya 4:2

A ka siku lego a hluke ga Jehova gi tava gi bombisilwe gi ngangamela, a mihanzu ya misava yi tava yi nene ni ya wumbhuri a ka lava va ponileko va ka Israeli. Ekso. 19:5; Lu. 10:20; Kuv. 13:8

Isaya 54:10

Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 33:21

zonake a xivumelwano xa mina zinwe na Davida a nanza ga mina xi nga tshoveka, lezaku a ngave na nʼwana wo fuma xitshanwini xakwe xa wuhosi; zinwe ni vaLevi va nga vapristi lava va nzi tirelako.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Amosi 9:11

Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;

Mitiro 13:34

Ni wukustumunyu legi gi tiyisako lezaku i mu vuxile hi ka vafileko, kasi a nga tlheli a bola, hi gezu ga Nungungulu legi gi nge ngalo: Nzi ta ku nyika a zikatekiso zi basileko lezi zi tsumbisilweko ka Davida.

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 6:19

A kutsumbeni loku hi na ni xirikhiso xa muhefemulo, lexi xi tsumbekileko ni ku tiya, lexi xi enghenako hi lenzhako ka xisirelo, Levi 16:15

1 Samueli 2:35

Mina nzi ta ti yimisela a mupristi a tsumbekileko, loyi a ta nga maha zontlhe za kuranza ka mbilu ya mina ni muhefemulo wa mina; nzi ta mu akela a yindlu yi tiyileko, zonake i ta famba mahlweni ka a totilweko wa mina kala kupinzuka.

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.