2 Samueli 23:20 - Tshwa Bible

²⁰ Na Benaia nʼwana wa Jehoida nʼwana wa nhenha ya le Kabzeeli, loyi a nga wa hi munhu wa hombe hi mitiro yakwe; i lo daya a vana vanharu va Arieli le Moabi. I lo relela kambe a ya daya a nghala lomu xikari ka rinzi, ku wa hi siku ga xirami xa hombe.

2 Samueli 23:20 ပူးပေါင်းရင်းမြစ်များ

2 Samueli 1:23

Saule na Jonatani va wa ranzeka ni ku xalalisa kuhanyeni kabye, Ni le kufeni kabye vona a va hambanyiswangi; Va wa haha ku hunza magama, Va hi ni ntamu ku hunza tinghala.

2 Samueli 20:23

Makunu Joabe i wa hi nduna ya yontlhe yimpi ya ka Israeli, na Benaia wa Jehoiada i wa yimisilwe hehla ka maKereti ni maPeleti.

2 Samueli 23:19

I lo dzunziwa xikari ka lava vanharu, a maha nduna yabye, kanilezi i wa nga ecani ni lava vanharu vo sangula.

2 Samueli 23:21

I lo daya ni muGipite, a lirorombola la wanuna. Hambu lezi a muGipite a nga hi ni tlhari canjeni gakwe, yena i loya kakwe na a hi ni nhonga basi, a ya wutla a tlhari canjeni gakwe a mu daya ha gona yena nwinyi.

2 Samueli 23:22

Lezi hi lezi Benaia nʼwana Jehoiada a zi mahileko: i wa hi ni vito xikari ka tinhenha leti tinharu.

2 Samueli 8:18

Benaia nʼwana Jehoiada i wa hi nduna ya vaKereti ni maPeleti; a vanana va Davida va wa hi vapristi.

1 Tihosi 1:26

Kanilezi mina nanza ga wena, na mupristi Zadoke, na Benaia wa Jehoiada, ni nanza ga wena Solomoni, a nga hi rambangi.

1 Tihosi 1:38

Zonake mupristi Zadoke i lo Suka zinwe na muprofeti Natani, na Benaia, wa Jehoiada, ni maKereti, ni maPeleti, va ya khilelisa Solomoni hehla ka mula ya hosi Davida, va mu yisa Gihoni.

1 Tihosi 1:8

Kanilezi mupristi Zadoke, na Benaia wa Jehoiada, na muprofeti Natani, na Ximei, na Rei, ni tinhenha ta Davida, vontlhe lavo a va lanzelangi Adonija.

1 Tihosi 2:46

Zonake a hosi yi lo leletela Benaia nʼwana Jehoiada a ku huma a ya mu daya, afa. A mufumo wu lo tiyiswa canjeni ga Solomoni.

1 Kronekele 12:8

A vanwani vavanuna va ntamu hi va ka Gadi, lava va sukileko vaya ka Davida le khokholeni ga le xiwuleni; va wa hi tinhenha ti tivako a kulwa yimpi, va khomako matlhari ni zitlhangu, lava a tinghohe tabye ti nga wa fana ni ta tinghala, va tsutsuma ku fana ni timhuti hehla ka zitsunga.

1 Kronekele 18:17

Benaia nʼwana Jehoiada i wa hi nduna ya vaKereti ni vaPeleti; kanilezi a vana Davida va wa hi vahombe va gamela hosi.

Eksodusi 15:15

a tihosana ta va ka Edome ti lo dzuka; A tinhenha ta maMoabi ti lo khomiwa hi kudzevetana; A vaaki vontlhe va le Kanani va lo mbhela ntamu.

Joxua 15:21

A miti leyi akilweko le Dzongeni, le magumeso ya nyangwa ya vanana va ka Juda, kusuhani ni mbhingano wa Edomi, hi leyi: Kabzeli, ni Edera, ni Jagura;