2 Samueli 22:33 - Tshwa Bible

³³ Nungungulu hi khokhola ga mina gi tiyileko, Yena i nzi rangele ndleleni yi lulamileko.

2 Samueli 22:33 ပူးပေါင်းရင်းမြစ်များ

2 Samueli 22:2

Jehova ribye ga mina, ni khokhola ga mina, ni muponisi wa mina! Deut. 32:4

Joba 22:3

Wa tsakiswa Nyamintamu hi kululama ka wena ke? Wa bhinzula nchumu hilezi a mahanyela ya wena ma lulamileko ke?

Tisimu 101:2

Nzi ta lonzowota a ndlela yi mbheleleko. Hi rini u ta ngata ka mina ke? Nzi tava ni mahanyela ma nene lomu ndlwini ya mina.

Tisimu 101:6

A mahlo ya mina ma cuwuka a vakholekileko lomu tikweni, Lezaku va ta tshama zinwe na mina. Loyi a fambako hi ndlela yi mbheleleko i ta nzi tirela.

Tisimu 119:1

Va katekile lava va mbheleleko mahanyeleni yabye, Lava va fambako nayweni wa Jehova.

Tisimu 18:32

Hi yena Nungungulu a nzi ambexako ntamu, A basisa a ndlela ya mina.

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Deuteronome 18:13

Wena u ta mbhelela mahlweni ka Jehova Nungungulu wa wena.

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Maheberu 13:21

a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10