2 Samueli 22:31 - Tshwa Bible

³¹ A ndlela ya Nungungulu yi lulamile, A gezu ga Jehova gi basile; Yena xitlhangu xa vontlhe lava va tsutsumelako ka yena.

2 Samueli 22:31 ပူးပေါင်းရင်းမြစ်များ

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

Nehemia 9:8

u kuma mbilu yakwe na yi kholekile mahlweni ka wena, u maha naye xivumelwano xo nyika vana vakwe a tiko ga maKanani, ni ga vaHiti, ni ga vaAmori, ni ga vaPerizi, ni ga vajebusi, ni ga vaGirgaxi, u tlhela u tatisa timhaka ta wena; hakuva wena u lulamile.

Joba 34:10

Hikwalaho zwanani mina, nwina vanhu va kupimisisa! A kubiha ku le kule na Nungungulu, Ni kugoha a ku kona ka Nyamintamu. Deut. 32:4; Rom. 3:5

Tisimu 119:140

A mhaka ya wena yi basile nguvu, A nanza ga wena ga yi ranza.

Tisimu 12:6

A timhaka ta Jehova timhaka ti basileko, Ti khwatsi i siliva yi hlutilweko, Yi basisilweko ntlhanu ni mambiri makhati. 2 Sam. 22:31; Mav. 30:5

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Tisimu 18:30

A ndlela ya Nungungulu yi mbhelele, A mhaka ya Jehova yi longamile; I xitlhangu ka vontlhe va mu tsumbako.

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Tisimu 35:2

Khoma a xitlhangu ni ngenge, U yima u nzi vuna.

Tisimu 84:9

Nungungulu, xitlhangu xa hina, languta, U cuwuka a nghohe ya a totilweko wa wena.

Tisimu 91:4

I ta ku fenengeta hi tisiva takwe, U kuma wuponelo lahasi ka tipapa takwe; A kutsumbeka kakwe xitlhangu ni ngenge. Mat. 23:37

Mavingu 30:5

Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

Mutshawuteli 3:14

Nza zi tiva lezaku ni xihi lexi Nungungulu a xi mahako, xi ta simamisa kala ku pinzuka; ku hava nchumu wu nga engetelwako ka xona, hambu ku hungulwa. Nungungulu i zi mahile kasi vanhu vave ni xichawo mahlweni kakwe. Tis. 33:11; Isa. 46:10

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Mateu 5:48

Hikwalaho ngha na nwina mu mbhelela, khwatsi hi Raru wa nwina wa le tilweni a mbheleleko. Gen. 17:1; Efe. 5:1; Jak. 1:4

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9