2 Samueli 21:6 - Tshwa Bible

⁶ hi nyikeni a ntlhanu ni vambiri a vana vakwe, kasi hi fela ku va hayeka mahlweni ka Jehova le Gibea wa Saule, a totilweko wa Jehova. A hosi yiku: Nzi ta va nyikela. Mitse. 25:4

2 Samueli 21:6 ပူးပေါင်းရင်းမြစ်များ

Genesisi 40:19

Ku ta hunza masiku manharu, Faro i ta tlakusa a hloko ya wena a kuva yi hayekwa sinyeni, a tinyanyani ti ta jowotela a nyama ya wena.

Genesisi 40:22

Kanilezi a nduna ya vabhiki yi lo hayekiwa, kota lezi Josefa a nga wa tlhamusele ka vona.

2 Samueli 17:23

Makunu laha Ahitofeli a nga wona lezaku a xikungo xakwe a xi lanzelangi, i lo gabhatsela a mbongola yakwe, a suka aya mutini wakwe. Laha na leletele timhaka ta laha ngangweni wakwe, i lo ya ti sunga afa, a lahliwa xilahleni xa raru wakwe.

2 Samueli 18:10

A munhu wo kari i lo zi wona, a si ya byela Joabe, aku: Nzi wonile Absalome na cikile lomu ka nkuhlu.

2 Samueli 19:28

Hambulezo, maha kota kuranza ka wena, hakuva a yindlu yontlhe ya dadani wa mina, mbanhu va yimelweko hi kufa mahlweni ka hosi ya mina, kasi lezo wena u enghenisile a nanza ga wena xikari ka lava va gako mezeni ya wena! Kusasa muni nzi ta nga ku lava? Nza ha ta rilela yini kambe ka hosi?

1 Kronekele 12:3

A nduna ku wa hi Ahiezera, ku gamela Joaxi, a vana va Xema a muGibeate; na Jezieli, na Pelete, a vana va Azmavete; na Beraka, na Jehu a muAnatote;

Ezra 6:11

Mina nzi leletela, nziku: Loku a mhaka ya mina yi hambunyetwa hi munhu, ngha a mhanze yi susiwa lomu ndlwini yakwe yi kelelwa, zonake a belelwa ka yona; a yindlu yakwe yi hunzulwa yi maha tala hi kota ya lezo.

Estere 9:10

va nga khume ga vana va Hamani nʼwana Hamedata, a nala wa vaJuda. Kanilezi a va na nga phanga nchumu.

Mateu 27:5

Lezo i lo hoxa a mali lomo tempeleni; i lo suka, a famba a ya ti sunga. 2 Sam. 17:23; Miti. 1:18

Mitiro 13:21

Anzhako ka lezo va lo kombela a hosi. Nungungulu i lo va nyika Saule nʼwana Kixi, wa lixaka la ka Benjamini, loyi a nga fuma 40 wa malembe.

Deuteronome 21:22

Ni loku munhu a mahile a xilo xo biha lexi xi fanelako a kuva afa, loku u mu daya, u mu hayeka laha sinyeni,

Joxua 10:26

Anzhako ka lezo Joxua i lo va tlhava, a va daya, a va hayeka lomu ka ntlhanu wa tisinya, va lo tshama na va hayekilwe tisinyeni kala laha gambyeni. Deut. 21:22

Joxua 8:29

Kanilezi a hosi ya le Ai, va lo yi hayeka laha sinyeni kala laha gambyeni; zonake laha na gi pelile, Joxua i lo leletela lezaku va susa xirumbi xakwe va ya xi hoxa laha nyangweni ya muti, va lo biringetela a nhulu ya hombe ya maribye leyi yi nga kona kala inyamutlha. Deut. 21:22

1 Samueli 10:1

Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!

1 Samueli 10:24

Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!

1 Samueli 10:26

Yenawu Saule i loya kaya kakwe le Gibea, zonake a vavanuna lava va tsumbekileko, lava Nungungulu a khumbileko timbilu tabye, va lo famba naye.

1 Samueli 11:4

Zonake a mitsumi yi loya le Gibea wa Saule, yi ya tivisa vanhu hi timhaka leti. Vontlhe vanhu va lo kanyuluka va rila.

1 Samueli 24:21

Hlambanya makunu lezi ka mina ha Jehova, lezaku cima u nga ta lovisa a pswalo wa mina anzhako ka mina, ni ku fuvisa a vito ga mina ndlwini ya dadani wa mina.

1 Samueli 24:22

Davida i lo hlambanya ka Saule, zonake Saule i lo suka aya kaya kakwe, kanilezi Davida ni vanhu vakwe va lo kanziha le khokholeni.