2 Samueli 20:7 - Tshwa Bible

⁷ Zonake a vavanuna va Joabe va lo mu lanza, zinwe ni maKereti, ni maPeleti, ni tontlhe tinhenha; va lo huma lomu Jerusalema a ku ya hlongola Xeba nʼwana Bikiri.

2 Samueli 20:7 ပူးပေါင်းရင်းမြစ်များ

2 Samueli 15:18

A malanza wontihe ma lo famba hi lomu matlhelweni yakwe; a vaKereti vontlhe, ni vaPeleti vontlhe; ni 600 wa vavanuna va nga wata hi le Gati, va lo famba mahlweni ka hosi.

2 Samueli 20:23

Makunu Joabe i wa hi nduna ya yontlhe yimpi ya ka Israeli, na Benaia wa Jehoiada i wa yimisilwe hehla ka maKereti ni maPeleti.

2 Samueli 8:16

Joabe nʼwana Zeruia i wa hi nduna ya yimpi, Jehoxafate nʼwana Ahiluda i wa hi muhlayisi wa mitsalo;

2 Samueli 8:18

Benaia nʼwana Jehoiada i wa hi nduna ya vaKereti ni maPeleti; a vanana va Davida va wa hi vapristi.

1 Tihosi 1:33

A hosi yi te ngalo kabye: Fambani mu ya teka malanza ya hosi ya nwina, mu khilelisa a nʼwana wa mina Solomoni hehla ka mula ya mina, mu mu heleketa le Gihoni.

1 Tihosi 1:38

Zonake mupristi Zadoke i lo Suka zinwe na muprofeti Natani, na Benaia, wa Jehoiada, ni maKereti, ni maPeleti, va ya khilelisa Solomoni hehla ka mula ya hosi Davida, va mu yisa Gihoni.

1 Tihosi 1:44

A hosi yi rumile mupristi Zadoke, na muprofeti Natani, na Benaia wa Jehoiada, ni maKereti, ni maPeleti, a kuva zinwe naye, va mu khilelisa hehla ka mula ya hosi.

1 Samueli 30:14

Hi wa lo ya hlasela le Dzongeni ga vaKereti ni le tikweni ga ka Juda hi le Dzongeni ga ka Kalebi, hi hisa na Ziklagi. Jox. 14:13; Ezek. 25:16; Zef. 2:5